// IP Marketing video - START// IP Marketing video - END
2,5 րոպե ծանրորդի հետ

Արա Խաչատրյան.

2,5 րոպե ծանրորդի հետ

PanARMENIAN.Net - Ծանրորդ Արա Խաչատրյանի հետ միշտ էլ հաճելի է հարցազրույց վարել: Բացառություն չէր նաև այս մեկը: PanARMENIAN.Net-ի բլից-հարցազրույցը մեր ամենահայտնի մարզիկներից մեկի հետ:
Ծանրամարտի հետ կապված քո առաջին հիշողությունը:
Հիշում եմ, որ բոլորը տքնաջան պարապում էին, ու միանգամից սիրեցի այս մարզաձևը:

Քո ձեռագիրը գեղեցի՞կ է:
Ոչ:

Վերջին անգամ հասարակական տրանսպորտից ե՞րբ ես օգտվել:
2006 թվականին:

Ի՞նչ արժե այս օրերին ծիրանը:
Չգիտեմ:

Սիրո՞ւմ ես չիփս ուտել:
Այո:

Ինչո՞ւ են մարդիկ փռշտալիս աչքերը փակում:
Չեմ կարող ասել:

Ո՞ր քաշային կարգում է հանդես եկել քո մարզիչը:
Չգիտեմ:

Ի՞նչն է քեզ ամենից շատ զարմացնում կանանց մեջ:
Ոչ մի բան:

Քո սիրած հեռուստատեսային հաղորդումը:
«Բանակում» սերիալն եմ նայում:

Ո՞վ է հայ առաջին Օլիմպիական չեմպիոնը:
Վայ, գիտեմ, բայց չեմ կարողանում հիշել:

Ո՞ր Օլիմպիական խաղերում են հայ մարզիկները «նույն գույնի» մեդալներ նվաճել:
2008 թվականի Պեկինի:

Քո նախընտրած հանգստի տարբերակը:
Ակտիվ հանգիստ եմ սիրում:

Քո սիրած մուլտֆիլմը:
«Թոմն ու Ջերին»:

Հավանո՞ւմ ես մեր ոստիկանների նոր համազգեստը:
Չեմ տեսել:

Երբեմն ես կարոտում եմ…
Ընտանիքիս:

Երբ ես փոքր էի երազում էի…
Օլիմպիական չեմպիոն դառնալու մասին:

Իմ անունը դրել են Արա, որովհետև…
Երևի Արա Գեղեցիկի պատվին:

Ես սիրում եմ գումար ծախսել…
Ընկերներիս հետ:

Բոլորից համեղ պատրաստում է …
Կինս:

Գոհար Նալբանդյան / PanARMENIAN News
Արա Խաչատրյան

Արա Խաչատրյանը ծնվել է 1982 թվականի սեպտեմբերի 13-ին Լենինականում (Գյումրի): Հանդես է եկել մինչև 77 կգ քաշային կարգում: 2006 թվականին Սանտո Դոմինգոյի աշխարհի առաջնությունում 357 կգ արդյունքով արժանացել է բրոնզե մեդալի:

2007 թվականի Ստրասբուրգի, 2008 թվականի Լինյանոյի և 2010-ի Մինսկի Եվրոպայի առաջնություններում արժանացել է արծաթե մեդալների: 2010-ին Ստամբուլի աշխարհի առաջնության ժամանակ պոկում վարժությունում տիրացել է ոսկե մեդալի: 2009-ից հանդես է գալիս մինչև 85 կգ քաշային կարգում:

Արայի համար Լոնդոնի խաղերը կլինեն երկրորդը: 2008-ին նա մասնակցել է նաև Պեկինի խաղերին, բայց վնասվածքի պատճառով դուրս է մնացել պայքարից: