Հենրիկ Մխիթարյան.Ես չէի ցանկանում բարձր դասի ակումբ անցնել եւ նստել պահեստայինների նստարանին 2 ապրիլի 2010 PanARMENIAN.Net - Երեւանյան «Փյունիկ» ակումբի սան Հենրիկ Մխիթարյանը 2009 թվականի Հայաստանի լավագույն ֆուտբոլիստ է ճանաչվել: Բացի դրանից, Մխիթարյանը «Մետալուրգի» երկրպագուների հարցումներով բազմիցս ճանաչվել է ակումբի լավագույն մարզիկ: PanARMENIAN.Net-ին տված հարցազրույցում Հենրիկ Մխիթարյանը պատմեց իր ակումբի ծրագրերի, Եվրո-2012 նախընտրական փուլում Հայաստանի հավաքականի հնարավորությունների, ինչպես նաեւ այն մասին, թե ինչում է հայկական եւ ուկրաինական ֆուտբոլի տարբերությունը: Մասնագետների կարծիքով, Եվրո-2012 նախընտրական փուլում Հայաստանի հավաքականն այնքան էլ բարդ խումբ չի ընկել: Ինչպե՞ս եք Դուք` որպես հավաքականի հիմնական մարզիկ, գնահատում մեր հավաքականի հնարավորությունները խմբային փուլի հաղթահարման գործում: Ես չեմ կարծում, որ մեր խումբը թույլ խումբ է: Այնտեղ շատ ուժեղ եւ հզոր թիմեր կան: Չնայած այդ ամենին մենք պայքարելու ենք մինչեւ վերջ: Հայաստանի հավաքականը նոր գլխավոր մարզիչ ունի` Վարդան Մինասյանը: Ըստ Ձեզ, որքանո՞վ է կարեւոր, որ հավաքականը հենց հայ մասնագետ է գլխավորում: Նա մեզ համար այնքան էլ նոր մարզիչ չէ, քանի որ Մինասյանն արդեն մարզել է հավաքականը որպես ժամանակավոր մարզիչ եւ ծանոթ է բոլոր մարզիկների հետ: Եթե ՀՖՖ ղեկավարությունը նշանակել է նրան, ուրեմն հավատում է նրա հնարավորություններին: Ուկրաինայի մրցաշարում ձեր ակումբը` Դոնեցկի «Մետալուրգը», 7-րդ տեղն է զբաղեցնում: Իսկ ո՞րն է ակումբի խնդիրն այս սեզոնում: Մենք միշտ պայքարում ենք բարձր տեղ զբաղեցնելու համար: Մեր գլխավոր նպատակն է ուղեգիր նվաճել Եվրոլիգա: Իսկ այն, որ այժմ ակումբը 7-րդ տեղում է, դեռեւս ոչինչ չի նշանակում, քանի որ ընթացիկ մրցաշարում մենք դեռեւս 9 հանդիպում ունենք, եւ ամեն բան հնարավոր է: Ուկրաինայի գավաթում թիմը եզրափակիչ փուլ է հասել: Մայիսին այն իր ուժերը կչափի «Տավրիայի» հետ: Ինչպե՞ս եք դուք գնահատում ձեր հնարավորությունները: Կարծում եմ` մեր հնարավորությունները հավասար են: Կփորձենք լավ խաղալ եւ շահել Գավաթը: Արդեն մի քանի տարի անընդմեջ «Մետալուրգի» երկրպագուները Ձեզ նշում են որպես ակումբի լավագույն ֆուտբոլիստ: Որքանո՞վ է այդ հանգամանքը օգնում Ձեզ լավ խաղ ցուցադրելու համար: Իհարկե, շատ շնորհակալ եմ բոլոր նրանց, ովքեր երկրպագում են ինձ եւ քվեարկում: Նախքան «Մետալուրգը» Ձեզանով հետաքրքրված էին մի քանի եվրոպական ակումբներ: Դուք փորձաշրջան անցաք «Լիոնում», սակայն ընտրեցիք ուկրաինական ակումբը... Ես պարզապես չէի ցանկանում բարձր դասի ակումբ անցնել եւ նստել պահեստայինների նստարանին: Ուստիեւ որոշեցի սկսել միջին մակարդակի առաջնությունից: Պատմեք` ինչպե՞ս հաստատվեցիք նոր միջավայրում: Սկզբում դժվար էր, սակայն ժամանակի ընթացքում ընտելացա եւ այժմ ինձ շատ լավ եմ զգում: Մեր ակումբում շատ լավ մթնոլորտ է եւ բոլորի հետ լավ հարաբերություններ ունեմ: Ինչո՞վ է տարբերվում հայկական ֆուտբոլը ուկրաինականից: Ուկրաինական թիմերը խաղում են ֆիզիկապես, այլ ոչ թե ռազմավարությամբ կամ տեխնիկապես: Իսկ Հայաստանում շատ թիմեր անգամ նորմալ ձմեռային հավաքներ չեն անցկացնում, ուստի հայկական թիմերը ֆիզիկապես շատ են զիջում: Անկասկած, գեներն իրենցն արել են, բայց ինչպե՞ս Դուք որոշեցիք զբաղվել ֆուտբոլով եւ ի՞նչ նշանակություն ունի այն Ձեր կյանքում: Ֆուտբոլն իմ կյանքում շատ կարեւոր դեր ունի: Ուզում եմ մինչեւ կյանքիս վերջը զբաղվել ֆուտբոլով:Հասմիկ Բաբայան, Գոհար Նալբանդյան / PanARMENIAN News | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |