  Տ.ՀԱԼՈՆԵՆ. ԵՄ-Ն ՋԱՆՔ ՉԻ ԽՆԱՅԻ ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԿԱՐԳԱՎՈՐՄԱՆ ՀԱՄԱՐ30 սեպտեմբերի 2005 - 08:51 AMT PanARMENIAN.Net - «Լեռնային Ղարաբաղի հակամարտության կարգավորման համար կարեւոր պահ է խաղաղության հասնելը կարճ ժամանակում, հայտարարել է Ֆինլանդիայի նախագահը: Իհարկե, կողմերից յուրաքանչյուրն ունի իր նկրտումները: Այնուամենայնիվ պետք է հասնել փոխզիջման, որը կհամապատասխանի Եվրամիության պահանջներին, նրա չափանիշների շրջանակներում: Մենք հավանություն ենք տալիս ԵԱՀԿ շրջանակներում ընթացող բանակցություններին: Որպես պետություն, որը շուտով կդառնա ԵՄ նախագահը, մենք կանենք ամեն ինչ խաղաղ բանակցությունների գործընթացը շարունակելու համար, կաշխատենք, որ ապահովվի Ադրբեջանի եւ Հայաստանի քաղաքացիների անվտանգությունը: Եվ ես, եւ ձեր քաղաքական գործիչները հավատում ենք, որ «Նոր հարեւանության քաղաքականությունը» արդյունավետ կլինի Հարավային Կովկասի երկրների համար: Նրանց է պատկանում կարեւոր դերը»,-նախօրեին Բաքվում Ադրբեջանի նախագահ Իլհամ Ալիեւի հետ համատեղ տեղի ունեցած մամլո ասուլիսի ժամանակ հայտարարել է Ֆինլանդիայի նախագահ Տարյա Հալոնենը: Նա հայտարարել է, թե նախկինում եւս եղել է տարածաշրջանում ԵԱՀԿ Մինսկի խմբի պատվիրակության հետ եւ տեղեկացված է ղարաբաղյան հակամարտության մասին: «Իմ կարծիքով, խաղաղ գործընթացից կօգտվեն բոլոր կողմերը: Եվրամիությունը շահագրգռված է հակամարտության խաղաղ կարգավորմամբ: Մենք հավանություն ենք տալիս Ադրբեջանի համագործակցությանը եւ ԵԱՀԿ, եւ Եվրամիության հետ»: Ըստ Տ.Հալոնենի, ԵՄ-ն ջանք չի խնայի ղարաբաղյան հակամարտության կարգավորման համար.«Նոր հարեւանության քաղաքականություն» ծրագիրը շատ կարեւոր է Ադրբեջանի համար: Սակայն այդ քաղաքականությունը նշանակություն ունի նաեւ ԵՄ-ի համար, որը ցանկանում է բարիդրացիական հարաբերություններ հաստատել հարեւանների հետ: Դաուք պատկանում եք այդ հարեւանների թվին: Ես ողջունում եմ ձեր մուտքը ԵՄ հարեւանության քաղաքականության մեջ եւ հուսով եմ, որ բանակցություններն այդ ուղղությամբ կսկսվեն որքան կարելի է շուտ»: Ֆինլանդիայի նախագահը ասել է, թե ժողովրդավարությունը Հարավային Կովկասում զարգանում է, սակայն այդ ուղղությամբ դեռեւս շատ բան կա անելու: «Ժողովրդավարությունը դա գործընթաց է: Որոշ երկրներում այդ ճանապարհը անցնում են կարճ ժամանակում, մյուսները` ավելի երկար: Ես ողջունում եմ Ադրբեջանի անդամակցումը Եվրոպայի Խորհրդին: Երեւում է, որ ձեր երկիրը ջանում է կատարել ստանձնած պարտավորությունները: Կարծում եմ, շատ բան է արվել, ինչն էլ արտացոլված է ԵԽ փաստաթղթերում»: Խոսելով նոյեմբերին կայանալիք խորհրդարանական ընտրությունների մասին` Ֆինլանդիայի նախագահը նշել է, որ մեծ հույսեր է կապում առաջիկա ընտրությունների հետ: «Հուսով եմ, որ եւ իշխանությունները, եւ ընդդիմությունը կգործեն ԵԽ սահմանած չափանիշների շրջանակներում: Սպասենք նոյեմբերին: Մինչ այդ ես կոչ կանեմ երկրի նախագահին եւ կառավարությանը ժողովրդավարությունը երաշխավորող ընտրություններ անցկացնել: Ադրբեջանի ժողովրդավարական զարգացումը զգալիորեն կախված է նոյեմբերին կայանալիք խորհրդարանական ընտրություններից: Պարզ է, որ ընդդիմադիր կուսակցությունները երբեք չեն ունենում այն դիրքորոշումը, ինչ կառավարությունը»:   Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար   |  Սյուժե Վերջին լուրեր ՀԱՊԿ գլխավոր քարտուղարը հուսով է` ՀՀ-ն կհստակեցնի կառույցի հետ հարաբերությունների հեռանկարները  «ՀՀ նկատմամբ բոլոր պարտավորությունները պահպանվում են ամբողջ ծավալով»,- ասել է նաՄշակվել է Երևանում օդի աղտոտվածության տեղեկատվական հարթակ, որը հասանելի կլինի բոլորին Այն կտեղադրվի Երևանի քաղաքապետարանի պաշտոնական կայքումԴանիել սարկավագը՝ բերետավորների գործողությունների մասին․Ծեծում էին՝ «հայր սուրբ, հայր սուրբ» ասելով Նա ասել է, որ ոստիկանության այդ ծառայողներն ամեն ինչի պատրաստ ենԿենդանաբանական այգու փղի համար նոր բացօթյա ազատավանդակ կկառուցվի Ավինյանն ասել է, որ նամակներ է ստանում Բունկա փղի պահման ոչ բարվոք պայմանների մասին |
