Լավրովն ու Քերին կհանդիպեն Փարիզում հունվարի 13-ին 8 հունվարի 2014 - 12:13 AMT PanARMENIAN.Net - ՌԴ ԱԳ նախարար Սերգեյ Լավրովի և ԱՄՆ պետքարտուղար Ջոն Քերիի հանդիպումը, ինչպես ակնկալվում էր, տեղի կկայանա 13-ին Փարիզում, տեղեկացնում է «ՌԻԱ Նովոստին»՝ ՌԴ արտաքին քաղաքական գերատեսչությունում աղբյուրին հղումով: Մինչ այդ Ռուսաստանի և ԱՄՆ ԱԳ նախարարների հանդիպման մասին հայտարարել էին ՄԱԿ-ում: Կազմակերպության պաշտոնական ներկայացուցիչ Ֆարհան Հաքը հայտնել էր, որ Լավրովն ու Քերին կքննարկեն Իրանի հնարավոր մասնակցությունը «Ժնև-2» խորհրդաժողովին: Իրանի մասնակցության մասին որոշումը դեռ չի կայացվել: Մինչդեռ, երկրի իշխանությունները նախկինի պես վճռական են տրամադրված մասնակցելու Սիրիայի գծով խաղաղ խորհրդաժողովին, սակայն հրաժարվում են որևէ նախնական պայման ընդունել, հայտնում է Fars-ը, երկրի ԱԳՆ ներկայացուցչի հայտարարությանը հղումով: «Իրանը կգործակցի Սիրիայում ցանկացած քաղաքական կարգավորման հասնելու համար, սակայն առանց նախապայմանների»,- հայտարարել էր Իրանի ԱԳՆ ներկայացուցիչը: Մինչ այդ ԱՄՆ պետքարտուղար Ջոն Քերին հայտարարել էր, որ Իրանը կարող է կարևոր դերակատարություն ունենալ սիրիական ճգնաժամի հանգուցալուծման գործում, սակայն միայն որպես Ժնևի խորհրդաժողովի ոչ պաշտոնական մասնակից: Քերին դա բացատրել էր նրանով, որ Իրանը չընդունեց 2012 թվականի «Ժնև-1» խորհրդաժողովի ընթացքում ձեռք բերված պայմանավորվածությունները: Խորհրդաժողովին Իրանի մասնակցության հնարավոր պայմաններից կարող է դառնալ պաշտոնական Դամասկոսին ռմբակոծությունները դադարեցնելու և հումանիտար միջանցք բացելու կոչովդիմումը: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 115 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում: Սիրիայի վերաբերյալ միջազգային խորհրդաժողովը նախատեսվում է գումարել հունվարի 22-ին շվեյցարական Մոնտրյո քաղաքում: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |