ՌԴ-ն մուտքի հատուկ արտոնագրեր է սահմանել քաղաքացիության համար դիմող ռուսալեզու անձանց համար 5 օգոստոսի 2014 - 15:19 AMT PanARMENIAN.Net - Ռուսաստանի Պետդուման օգոստոսի 4-ին օրինագիծ է ընդունել, ըստ որի նախատեսվում է պարզեցված կարգով Ռուսաստանի քաղաքացիություն տրամադրել ռուսաց լեզվի կրողներ հանդիսացող օտարերկրացիներին: Մուտքի արտոնագիրը 1 տարի ժամկետով կտրամադրվի քաղաքացուն ռուսալեզու ճանաչվելու վերաբերյալ որոշման հիման վրա: Իսկ քաղաքացիություն ստանալու կարգը 3 ամսից ոչ ավելի կպահանջի: Նորարարությունները կապված են Ռուսաստանի գործող օրենսդրությունում կատարվող փոփոխությունների հետ: Փոփոխությունները ներառում են նաև քաղաքացիության տրամադրման ժամկետների կրճատում, բնակության թույլտվության արագացված ձևակերպում, նույնիսկ առանց երկրում ժամանակավոր բնակվելու իրավունքի: Այդ ուղղումների շրջանակում հաստատվեց օտարերկրացիների համար նախատեսված այցեքարտի նոր տեսակ՝ «հասարակ» այցեքարտ մեկ տարի ժամկետով: Հարկ է հաշվի առնել, որ պարզեցված կարգով քաղաքացիություն ստանալու համար փաստաթղթեր ներկայացնելու համար պետք է մշտապես բնակվել ՌԴ տարածքում: Այդ նորարարություններն ուժի մեջ կմտնեն Դաշնության խորհրդի և նախագահի հավանությանն արժանանալուց հետո: Իսկ առայժմ օրինագիծը ստացել է միայն Պետդումայի հավանությունը, գրում է Novasmile.ru-ն: Հունիսի 24-ինՌուսաստանի նախագահ Վլադիմիր Պուտինն օրենք ստորագրեc, որով երկրի տարածքում բնակվող օտարերկրյա քաղաքացիների կամ քաղաքացիություն չունեցող անձանց որոշ կատեգորիաների համար հեշտացվում է ՌԴ քաղաքացիություն ստանալը: Օրենքը միտված է ՌԴ քաղաքացիության շնորհման պարզեցմանն օտարերկրյա քաղաքացիների կամ քաղաքացիություն չունեցող այն անձանց համար, որոնք բնակվում են երկրի տարածքում, գործարարներ են, ներդրողներ, որակյալ մասնագետներ, ՌԴ կրթական հաստատությունների շրջանավարտներ: Օրենքը նաև տարածվում է այն օտարերկրյա քաղաքացիների կամ քաղաքացիություն չունեցող անձանց վրա, որոնք մշտապես բնակվում են ՌԴ տարածքում և ճանաչվել են ռուսալեզու: Վլադիմիր Պուտինը ևս մեկ օրենք է ստորագրել, համաձայն որի օտարերկրացի լրագրողները, որոնք եկել են աշխատելու ԶԼՄ-ներում, այլևս պարտավոր չեն տիրապետել ռուսերենին, իմանալ Ռուսաստանի պատմությունն ու ռուսական օրենսդրության հիմքերը: Ապրիլի 21-ին նախագահ Պուտինը ստորագրեc ՌԴ-ում օտարերկրյա քաղաքացիների իրավական դրության մասին օրենքում փոփոխություններ կատարելու մասին փաստաթուղթը: Օրենքով՝ Ռուսաստանում ժամանակավոր կեցության կամ աշխատանքի համար դիմող օտարերկրացիները պարտավոր են հաստատել ռուսերենի իրենց իմացությունը: Օրենքի առանցքային դրույթ է համարվում արտերկրի քաղաքացիների կամ քաղաքացիություն չունեցող անձանց ռուսաց լեզվի կրողներ համարելը: Ըստ փաստաթղթի, անձը ռուսալեզու կարող է ճանաչվել համապատասխան հանձնաժողովում հարցազրույցից հետո, որը ձևավորում է ՌԴ ԴՄԾ-ն: Ինչպես պարզաբանել է ՌԴ ԴՄԾ ղեկավարի առաջին տեղակալ Եկատերինա Եգորովան, «հատուկ հանձնաժողովում կընդգրկվեն կրթության ոլորտում աշխատող մասնագետներ ու ռուսաց լեզվի մասնագետներ»: «Հանձնաժողովը նպատակ չի ունենալու գնահատել հայցորդի գրագիտությունը, օրինակ, թելադրության միջոցով, հիմնական չափանիշը կլինի ազատ տիրապետումն ու լեզվի կիրառումն առօրյա կյանքում»,- պարզաբանել է նա: Հրաժարվելով այլ երկրի քաղաքացիությունից՝ Ռուսաստանում բնակվող օտարերկրացիները կարող են ՌԴ քաղաքացիություն ստանալ պարզեցված կարգով առանց պահպանելու ՌԴ տարածքում 5 տարի մշտական բնակության պահանջը բնակվելու իրավունքի հիման վրա և անհրաժեշտ մակարդակով ռուսաց լեզվին տիրապետելու հիման վրա: Բացի այդ նման քաղաքացիների համար նոր հիմք է առաջանում վիզաների տրամադրման համար՝ ռուսալեզու ճանաչված անձանց մուտքը ՌԴ պարզեցված կարգով քաղաքացիություն ստանալու նպատակով արագացնելու համար: Նշված անձանց վիզայի այդ տեսակը կտրամադրվի 1 տարով: Ռուսալեզու ճանաչված օտարերկրացիների համար երկարացվում է ՌԴ տարածքում ժամանակավոր կացության ժամկետը, եթե նրանք դիմում են ներկայացրել ՌԴ քաղաքացիություն կամ, բնակվելու իրավունք ստանալու համար: Բնակվելու իրավունք անձանց այս կատեգորիային տրվում է 3 տարի ժամկետով առանց ժամանակավոր կացության թույլտվություն նախապես ստանալու, սակայն չեղյալ է համարվում, եթե նշված անձը երկու տարում դիմում չի տվել ՌԴ քաղաքացիություն ստանալու համար: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |