ՌԴ-ի «ՏՏ գագաթնաժողով 2015. Ոլորտի առաջնորդների հանդիպում»-ը՝ Հայաստանում27 մարտի 2015 - 13:12 AMT PanARMENIAN.Net - Ռուսաստանի համակարգչային և տեղեկատվական տեխնոլոգիաների ձեռնարկությունների ընկերակցության «ՏՏ գագաթնաժողով 2015. Ոլորտի առաջնորդների հանդիպում» համաժողովի շրջանակում առաջին գործնական հանդիպումը կկայանա «Այբ» դպրոցում ապրիլի 1-ին, տեղեկացնում են «Այբ» կրթական հիմնադրամի հասարակայնության հետ կապերի բաժնից: Հանդիպման ընթացքում Ռուսաստանի և Հայաստանի ՏՏ ոլորտի առաջատար ընկերությունների ներկայացուցիչներին կներկայացվի «Այբ» կրթական հիմնադրամի գործունեությունը, և տեղի կունենա նոր սերնդի ձևավորման և «ուղեղների» արտահոսքի խնդրի թեմաների շուրջ քննարկում: Ռուսաստանի ՏՏ ընկերությունների ներկայացուցիչները կծանոթանան կրթական նոր լուծումներին, կկարողանան նոր բիզնեսի հնարավորություններ ու գործակցության ուղիներ գտնել, նոր կապեր հաստատել տեղի ընկերությունների հետ: ՏՏ համաժողովի հիմնական նպատակն է ամփոփել ՌԴ նախորդ տարվա ՏՏ ոլորտի արդյունքները, քննարկել տեղեկատվական տեխնոլոգիաների ոլորտին օժանդակելու հայկական և ռուսական քայլերի արդյունավետությունը, ՏՏ բիզնեսի հնարավորությունները նոր պայմաններում, ՏՏ բիզնեսում փոխըմբռնման հեռանկարները, ինչպես նաև կրթությանը վերաբերող հարցեր: Համաժողովի մասնակիցները հնարավորություն կունենան հանդիպել Հայաստանում գործող ՏՏ կազմակերպությունների հետ և գտնել համագործակցության եզրեր: Մասնակիցները նաև կծանոթանան Հայաստանի հարուստ պատմությանը, մշակութային ու ճարտարապետական հուշարձաններին և խոհանոցին: «ՏՏ գագաթնաժողով 2015»-ի կազմակերպիչներն են Ռուսաստանի համակարգչային և տեղեկատվական տեխնոլոգիաների ձեռնարկությունների ընկերակցությունը (АПКИТ) և Հայաստանի ինֆորմացիոն տեխնոլոգիաների ձեռնարկությունների միությունը (ԻՏՁՄ)։ Հայաստանյան գործընկերն է «Այբ» կրթական հիմնադրամը: Ռուսաստանյան «ՏՏ գագաթնաժողով 2015. ոլորտի առաջնորդների հանդիպում» համաժողովը Հայաստանում անցկացվում է առաջին անգամ: Այն տեղի կունենա ապրիլի1-3-ը: Մասնակցելու են Ռուսաստանից ժամանած մոտ 100 առաջատար ընկերությունների ներկայացուցիչներ: Համաժողովը Ռուսաստանի ՏՏ ընկերակցության հիմնական միջոցառումն է և անցկացվում է 2003-ից։ Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |