ԶԼՄ-ներ. Պլատինին կառաջադրվի ՖԻՖԱ-ի ղեկավարի պաշտոնում

PanARMENIAN.Net - Եվրոպական ֆուտբոլային ասոցիացիաների միության (ՈւԵՖԱ) նախագահ Միշել Պլատինին կառաջադրվի Ֆուտբոլի միջազգային ֆեդերացիայի` ՖԻՖԱ-ի ղեկավարի պաշտոնում, հայտնում է AS-ը: Նշվում է, որ Պլատինիին սատարում է 4 կոնֆեդերացիա. Ֆուտբոլի հարավամերիկյան կոնֆեդերացիան, Ֆուտբոլի Հյուսիսային, Կենտրոնական Աֆրիկայի և Կարիբյան ավազանի կոնֆեդերացիան, Ֆուտբոլի Օկեանիայի ֆեդերացիան և ՈւԵՖԱ-ն, հայտնում է Gazeta.ru-ն:

ՈւԵՖԱ-ի ղեկավարի պաշտոնում Պլատինիին, հավանաբար, կփոխարինի Գերմանիայի ֆուտբոլային միության նախագահ Վոլֆգանգ Նիրսբախը:

Հունիսի 2-ին ՖԻՖԱ նախագահ Յոզեֆ Բլատերը հայտարարեց, որ հեռանում է ՖԻՖԱ-ի նախագահի պաշտոնից: Շվեյցարացի Յոզեֆ Բլատերը այս հայտարարությունն արեց հինգերորդ անգամ պաշտոնում վերընտրվելուց հետո ՖԻՖԱ-ում կոռուպցիոն սկանդալի ֆոնին: «Ես գնահատում եմ ՖԻՖԱ-ն ամենից առավել և աշխատում եմ լավագույնն անել ֆուտբոլի և կազմակերպության համար: Ես որոշեցի, որ պետք է շարունակել ընտրվել: Ընտրություններն ավարտված են, սակայն մարտահրավերներն առկա են: ՖԻՖԱ-ն պետք է վերակառուցվի, ՖԻՖԱ պատվիրակները մանդատ տվեցին ինձ: Սակայն ՖԻՖԱ-ի մյուս անդամները, ակումբները հավանություն չտվեցին դրան: Ուստի ես խնդրում եմ գումարել հատուկ կոնգրես որքան հնարավոր է շուտ, իմ հետնորդին ընտրելու նպատակով»,-ասել է Բլատերը:

Մայիսի 29-ին Ֆուտբոլի միջազգային ֆեդերացիայի` ՖԻՖԱ-ի նախագահ Յոզեֆ Բլատերը վերընտրվեց կազմակերպության նախագահի պաշտոնում արդեն 5-րդ անգամ: Նրա միակ մրցակից Հորդանանի արքայազն Ալի բին Ալ Հուսեյնը հրաժարվեց շարունակել պայքարը ընտրությունների երկրորդ փուլում: Պատմության մեջ առաջին անգամ ՖԻՖԱ-ի նախագահի ընտրություններն անցնում էին աղմկահարույց կոռուպցիոն սկանդալի ֆոնին:

Մայիսի 27-ի առավոտյան Ցյուրիխում ձերբակալվեցին Ֆուտբոլի միջազգային ֆեդերացիայի (FIFA) մի շարք բարձրաստիճան պաշտոնյաներ: Ձերբակալվածների թիվը հասավ 9-ի: Մինչ կոնգրեսի մեկնարկը Բլատերի հիմնական ընդդիմախոսներից մեկը` ՈւԵՖԱ նախագահ Միշել Պլատինին հայտարարեց, որ առնվազն 45 եվրոպական երկիր կսատարի 39-ամյա արքայազն Ալիին և որ նա հաղթելու բոլոր շանսերն ունի, սակայն իրականում Բլատերի դիրքերը շատ ավելի ամուր դուրս եկան: Վերընտրվելուց հետո Բլատերը չէր թաքցնում իր գերազանց տրամադրությունը և դեռ եկար շնորհավորանքներ էր ընդունում ՖԻՖԱ-ի անդամներից:

Պլատինին իր հերթին արդեն ընտրություններից հետո շնորհավորեց Ալ Հուսեյնին «գերազանաց քարոզարշավի կապակցությամբ»:

«Ես հպարտ եմ, որ ՈւԵՖԱ-ն սատարում էր ՖԻՖԱ-ում հանուն փոփոխոթւյունների սկսված շարժմանը, փփոխություններ, որոնք, ըստ իս, կարևոր են միջազգային կազմակերպության համար` սեփական հեղինակությունը վերականգնելու առումով: Ես շնորհավորում եմ արքայազն Ալիին հիանալի քարոզարշավի կապակցությամբ և, օգտվելով հնարավորությունից, ցանկանում են շնորհակալություն հայտնել բոլոր ասոցիացիաներին, որոնք սատարեցին Հորդանանի արքայազնին»,-ասաց ՈւԵՖԱ-ի նախագահը:

ԱՄՆ Հետաքննությունների դաշնային բյուրոն (ՀԴԲ) 3 տարի շարունակ զբաղվել է ՖԻՖԱ-ում կոռուպցիայի գործով: Ենթադրվում է, որ կքննվեն 2018 թ. Ռուսաստանում և 2022 թ. Քաթարում կայանալիք ֆուտբոլի աշխարհի առաջնությունների անցկացման վայրի ընտրության հետ կապված կոռուպցիոն փաստերը: Բլատերը շվեյցարական հեռուստատեսությանը տված հարցազրույցում հայտարարել էր, որ «շոկի մեջ է» ԱՄՆ մեղադրանքներից: