NASA-ի անօդաչու ինքնաթիռն առաջին անգամ բեռ է տեղափոխել օպերատորի տեսանելիության դաշտից դուրս20 հուլիսի 2015 - 16:57 AMT PanARMENIAN.Net - Փոքր և միջին տարածությունների դեպքում անօդաչու սարքերի միջոցով բեռների փոխադրումը կոմերցիոն տեսակետից ավելի շահավետ է, քան ավտոտրանսպորտի կամ ցրիչի օգտագործումը, ուստի ընկերությունները շահագրգռված են, որ նման համակարգեր լինեն: Շվեյցարիայում, օրինակ, սկսել են դրոնների միջոցով փոստ առաքել, իսկ ամերիկյան Amazon Com. ընկերությունը մտադիր է օգտագործել անօդաչու սարքերը գնորդներ գտնելու և ապրանքների առաքման համար: NASA-ի Cirrus SR22 ինքնաթիռները, որոնք վերափոխվել են անօդաչու թռիչքներ կատարելու համար, և Flirtey ընկերության հեքսակոպտերը դեղորայք են առաքում Let's Fly Wisely փորձնական ծրագրի շրջանակում, որի կազմակերպիչն է ԱՄՆ Քաղավիացիայի դաշնային վարչությունը: Ինքնաթիռը 4,5 կգ դեղորայք և պաշարներ է բեռնել Վիրգինիայի Թաուելլ շրջանում և հասցրել է Տեխասի նահանգի Ուայզ շրջանի Լոնսոմ Փայն օդանավակայան, որը ելքային կետից 50 կմ հեռավորության վրա է: Ըստ NASA-ի ներկայացուցիչների, սա FAA առաջին բեռնափոխադրումն է, որն իրականացվել է անօդաչու սարքի միջոցով անմիջական տեսանելիության դաշտի սահմաններից դուրս: Թռիչքի ժամանակ Cirrus SR22 ինքնաթիռում եղել է անվտանգության օդաչուն, որը պատրաստ էր ստանձնել կառավարումը: Flirtey ընկերության անօդաչու սարքի օպերատորը 2 ժամ շարունակ հեքսակոպտերի միջոցով դեղորայքի 24 ոչ մեծ փաթեթի լոկալ առաքում է իրականացրել: Ակնկալվում է, որ Let's Fly Wisely փորձարկման շրջանակում թեստային թռիչքներից հետո ԱՄՆ Քաղավիացիայի դաշնային վարչությունը կկարողանա նոր կանոններ մշակել անօդաչու սարքերի միջոցով կոմերցիոն առաքումներ իրականացնելու համար: Երբ Amazon ընկերությունը հայտարարեց դրոնների միջոցով առաքումների համակարգի փորձարկումներ անցկացնելու մտադրության մասին, FAA-ն թույլ տվեց թռիչքները միայն այն պայմանով, որ թռչող սարքը օպերատորի անմիջական տեսանելիության դաշտում կլինի: Նման պայմանը զգալիորեն սահմանափակում է անօդաչու սարքերի միջոցով առաքումների պրակտիկ օգուտը, ուստի FAA-ն հայտարարեց, որ փորձարկումներ է իրականացնելու և ներգրավելու է շահագրգիռ ընկերություններին: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |