Սիրիական բանակը ազատագրել է Հալեպի «կյանքի ճանապարհը». Մայրուղու մի մասը դեռ ականապատված է23 փետրվարի 2016 - 14:48 AMT PanARMENIAN.Net - Սիրիայի կառավարական զորքերը վերականգնել են հսկողությունը Հալեպը երկրի մյուս շրջանների հետ կապող միակ մայրուղում, հայտնում է ՌԻԱ Նովոստին ռազմական աղբյուրի վրա հղումով: Փետրվարի 22-ին «Իսլամական պետության» գրոհայինները գրավել էին Հալեպի մատակարարման միակ ճանապարհը Ասրիա-Հանասեր հատվածում: «Բանակը վերագրավել է Ասրիա-Հանասեր մայրուղին, սակայն ճանապարհը դեռ փակ է: Հանասերի հյուսիսում դեռ մարտերը շարունակվում են, այնտեղից ահաբեկիչները դեռ կարող են կրակել ճանապարհի ուղղությամբ»,-ասել է գործակալության զրուցակիցը: Ըստ նրա, ահաբեկիչները հասցրել են ականապատել մայրուղու մի հատվածը: Մասնագետներն արդեն սկսել են ականազերծման աշխատանքներն այն հատվածներում, որտեղ դա հնարավոր է: Ճանապարհը Հալեպում սիրիական զորքերի մատակարարման միակ ուղին է, ինչպես նաև «կյանքի ճանապարհը» քաղաքի բնակիչների համար, որով քաղաքը մատակարարվում է սննդամթերքով, վառելիքով և այլ անհրաժեշտ իրերով: Ըստ սիրիացի զինվորականների, ահաբեկիչները, կտրելով մատակարարման ուղիները, մտադիր էին զսպել սիրիական բանակի առաջխաղացումը Հալեպի հյուսիսում և Ռաքքայի արևմուտքում: Հալեպ գավառում ընթացող մարտերում սիրիական բանակին աջակցում են չափավոր ընդդիմության խմբերը և իրանյան Իսլամական հեղափոխության պաշտպանների կորպուսի ստորաբաժանումները գեներալ Քասեմ Սուլեյմանի գլխավորությամբ: Նրանց հիմնական խնդիրն է Հալեպի ազատագրումը իսլամիստներից: Ավելի վաղ սիրիական բանակի գեներալներից մելը հայտարարել էր, որ Սիրիայի ԶՈւ գլխավոր խնդիրը «լիարժեք հսկողություն ապահովելն է Թուրքիայի հետ սահմանին` կտրելու համար ահաբեկիչների մատակարարման ուղիները»: Ըստ նրա, Հալեպի գավառում սիրիական զորքերի նպատակն է փակել դեպի թուրքական սահման տանող ճանապարհը, որտեղից գրոհայինները ստանում են ամեն անհրաժեշտը: Սիրիայի նախագահ Ասադն ասել է, որ սատարում է կարգավորման շուրջ բանակցություններին, սակայն «չի դադարեցնի պայքարը ահաբեկիչների դեմ բանակցությունների ընթացքում»: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |