ԵՄ-ն կնպաստի Հայաստանի ենթակառուցվածքների ստեղծմանն ու կատարելագործմանը

PanARMENIAN.Net - ԵՄ երկրների հետ վիզային ռեժիմի պարզեցմանն ուղղված գործընթացը պետք է շարունակել: Այդ մասին Երեւանում ԵՄ Խորհրդատվական խմբի նիստի ընթացքում հայտարարել է Հայաստանի Ազգային անվտանգության խորհրդի քարտուղար Արթուր Բաղդասարյանը: «Այսօր Հայաստանի քաղաքացիները հնարավորություն ունեն մուտք գործել ԵՄ 9 երկրներ դիվանագիտական անձնագրերով: Մենք ակնկալում ենք, որ գործընթացն այդ ուղղությամբ կշարունակվի` հաշվի առնելով ԵՄ-ից եկող դրական ազդանշանները»,-ասել է Արթուր Բաղդասարյանը:



Հայաստանի Ազգային անվտանգության խորհրդի քարտուղարը գոհունակությամբ նշել է, որ ԵՄ-ն պատրաստ է աջակցել Հայաստանի սահմանամերձ ենթակառուցվածքների ստեղծմանն ու կատարելագործմանը, ինչը թույլ կտա ամրապնդել երկրի սահմանների անվատնգությունը: «Շուտով հայկական կողմը առաջարկություններով հանդես կգա այդ հարցի վերաբերյալ»,-հայտարարել է Արթուր Բաղդասարյանը:
 Ուշագրավ
Նշվում է, որ հատկապես վերջին օրերին տարածված կեղծիքին պետք է պատասխանել
Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»
Վարույթ իրականացնող մարմինն այլևս չի կարծում, որ պետությանը պատճառվել է վնաս
---