// IP Marketing video - START// IP Marketing video - END

ՎԵՐԱԿԱՆԳՆՎԵԼՈՒ ՌՈՒՍԱԿԱՆ ԱՌԱՋԻՆ ՀԵՌՈՒՍՏԱԱԼԻՔԻ ՀԵՌԱՐՁԱԿՈՒՄԸ ՀԱՅԱՍՏԱՆԻ ՈՂՋ ՏԱՐԱԾՔՈՎ

PanARMENIAN.Net - Ռուսաստանի տեղեկատվության նախարար Միխաիլ Լեսինի Երեւան այցի ընթացքում ձեռք է բերվել պայմանավորվածություն ՕՐՏ ռուսական առաջին հեռուստաալիքի մետրային ընդգրկումով հեռարձակման վերսկսման մասին: Այժմ ՕՐՏ-ն հեռարձակվում է դեցիմետրային ընդգրկումով, եւ առաջին ալիքի հաղորդումները կարող են դիտել միայն Երեւանում: Հեռարձակաման վերսկսման հետ կապված բոլոր տեխնիկական հարցերը կլուծվեն մոտակա երկու - երեք օրվա ընթացքում: Լեսինի հետ Երեւան ժամանած ՕՐՏ-ի գլխավոր տնօրեն Կոնստանտին Էրնստի խոսքերով` հեռուստաընկերության ղեկավարությունը շահագրգռված է հեռարձակումը Հայաստանի ողջ տարածքով վերականգնելում: Միխաիլ Լեսինը հայտնել է, որ ստորագրման է պատրաստվում Ռուսաստանի տեղեկատվության նախարարության ու Հայաստանի տրանսպորտի ու կապի նախարարության միջեւ հեռուստատեսության ու ռադիոհեռարձակման ոլորտում փոխգործողւթյան ու համագործակցության մասին համաձայնագիր:

Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է:
 Ուշագրավ
Ադրբեջանը մարտի 11-15-ը անցկացնելու է խոշորագույն զորավարժություն, որի մասին չի ծանուցել հմպատասխան միջազգային մարմիններին
Փաշինյանն ասել է, որ ադրբեջանական կողմից հետ շփումները կրել են ոչ պաշտոնական բնույթ
Քննարկվել են հայ-ռուսական գործակցության զարգացման հարցեր