  Հայկական ընդդիմությունը ժողովրդին կոչ է անում «լուրջ իրադարձությունների» պատրաստվել 18 փետրվարի 2011 - 19:25 AMT PanARMENIAN.Net - Հայաստանի առաջին նախագահ Լևոն Տեր-Պետրոսյանը, ելույթ ունենալով ընդդիմադիր Հայ ազգային կոնգրեսի (ՀԱԿ) ցույցի ժամանակ, կոչ արեց քաղաքականացնել Հայաստանում սոցիալական բողոքները: «Ժամանակ առ ժամանակ երկրում ծագող սոցիալական բողոքները կլցնեն ժողովրդի համբերության բաժակը և կստիպեն իշխանություններին հեռանալ»,- ասել է ՀԱԿ առաջնորդ Լևոն Տեր-Պետրոսյանը: ՀՀ առաջին նախագահի խոսքով, վերջին տարիներին Հայաստանում սոցիալական բողոքներ են անցկացվել, սակայն դրանք ձախողման էին դատապարտված այն պատճառով, որ այդ բողոքները քաղաքականացված չէին: Լևոն Տեր-Պետրոսյանը հավաքվածներին հիշեցրել է Եգիպտոսի, Թունիսի իրադարձությունների մասին, որտեղ ժողովրդի համընդհանուր դժգոհությունը հանգեցրեց իշխանափոխության: ՀԱԿ առաջնորդի կարծիքով, եթե ստեղծված իրադրության մեջ Հայաստանի իշխանությունները համապատասխան եզրակացություններ չանեն, ապա եգիպտական և թունիսյան սցենարը կարող է կրկնվել Հայաստանում: Առաջին նախագահը գտնում է, որ Հայաստանում իրադրությունը կարելի է փրկել միայն արտահերթ խորհրդարանական և նախագահական ընտրությունների անցկացման ճանապարհով: ՀԱԿ համակարգող Լևոն Զուրաբյանն իր հերթին հայտնել է, որ կոնգրեսը մի շարք միջոցառումներ է ձեռնարկում, որոնք պետք է հանգեցնեն արտահերթ ընտրությունների: Զուրաբյանը հաղորդել է, որ ՀԱԿ հաջորդ ցույցը ծրագրվում է անցկացնել մարտի 1-ին: «Խնդրում եմ տարածել այս տեղեկությունը, որպեսզի բնակչությունը պատրաստ լինի շատ լուրջ իրադարձությունների»,- ասել է ՀԱԿ համակարգողը:   Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
