Ադրբեջանցիներն ինքնապատասխանիչը շփոթել են սենատոր Մենենդեսի հետ21 փետրվարի 2011 - 17:28 AMT PanARMENIAN.Net - ԱՄՆ Կոնգրեսի անդամների գրասենյակներում պատասխանում են բոլոր նամակներին ու հարցումներին, որոնք ուղարկվում են կոնգրեսականին կամ սենատորին: Ընդ որում, այդ պատասխանները չեզոք են և ավտոմատ են ուղարկվում: Կամ ադրբեջանական ԶԼՄ-ներն ու Ադրբեջանա-ամերիկյան խորհուրդը (AAC) այդ մասին չգիտեն, կամ էլ գիտակցաբար մոլորեցնում են իրենց ընթերցողներին: Նշենք, որ սա առաջին դեպքը չէ, երբ ադրբեջանական քարոզչությունը ցանկալին իրականի փոխարեն է մատուցում: ահա այս անգամ էլ AAC-ն «Խոջալուում ադրբեջանական խաղաղ բնակչության ցեղասպանության» մասին նամակ է հղել Նյու-Ջերսիից սենատոր Ռոբերտ Մենենդեսին: Ադրբեջանական ԶԼՄ հաղորդմամբ, սենատոր Ռոբերտ Մենենդեսը «պատասխան շնորհակալական նամակ է հղել»: «Ես երախտապարտ եմ, որ դուք բաց չեք թողնում ինձ հետ ձեր մտքերով կիսվելու հնարավորությունը: Խնդրում եմ, վստահաբար դիմեք ինձ, եթե ես կարող եմ լրացուցիչ օգնություն ցուցաբերել ձեզ: Ես Ձեզ հրավիրում եմ այցելել իմ կայք, որպեսզի ավելի հանգամանալից տեղեկատվություն ստանաք ԱՄՆ Սենատում իմ աշխատանքի մասին»,- ասվում է հաղորդագրության մեջ: Մինչդեռ սենատոր Ռոբերտ Մենենդեսը շատ լավ տեղեկացված է, թե ինչ է կատարվել և ինչ է կատարվում ղարաբաղյան հակամարտության գոտում: Հակառակ դեպքում նա երկու անգամ չէր արգելափակի Բաքվում ԱՄՆ ներկայիս դեսպան Մեթյու Բրայզայի թեկնածությունը: Իսկ թեկնածությունն արգելափակվել էր հակամարտության կարգավորման գործում Բրայզայի բացասական դերի, Հայոց ցեղասպանության նկատմամբ նրա բացասական վերաբերմունքի և Նախիջևանում հայկական գերեզմանատան ոչնչացման պատճառով:
Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Սև ծովից ցիկլոն է գալիս․ Ջերմաստիճանը կնվազի 6-9 աստիճանով Հնարավոր է նաև կարկուտ Լեմկինի ինստիտուտը կոչ է արել ՄԱԿ-ին չեղարկել Ադրբեջանի՝ որպես COP29–ի ընդունող երկիր լինելու որոշումը Հաշվի է առնվել «Լեռնային Ղարաբաղում Ադրբեջանի ցեղասպան քաղաքականությունը» Լիզինգ առանց տոկոսադրույքի՝ ֆերմերներին ու գործարարներին Ակբա Լիզինգը պետական աջակցության ծրագրի շրջանակում տրամադրում է Հայաստանի գյուղտեխնիկայի մոտ 60%-ը։ ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի |