Վաղը Երևանում կմեկնարկի հայ և թուրք գործարարների համաժողովը21 նոյեմբերի 2011 - 13:45 AMT PanARMENIAN.Net - Նոյեմբերի 22-ին և 23-ին Հրազդան հյուրանոցի կոնֆերանսների սրահում Հայաստանի արդյունաբերողների և գործարարների (գործատուների) միությունը կազմակերպում է հայ և թուրք գործարարների համաժողով: Միջոցառումը կազմակերպվում է «Աջակցություն Հայաստան-Թուրքիա հարաբերությունների բարելավմանը» ծրագրի շրջանակներում, որն իրականացվում է ԱՄՆ Միջազգային զարգացման գործակալության (ԱՄՆ ՄԶԳ) օժանդակությամբ` որն իրականացվում է ԱՄՆ Միջազգային զարգացման գործակալության օժանդակությամբ` Եվրասիա համագործակցություն հիմնադրամի, Երևանի մամուլի ակումբի, Մարդկային զարգացման միջազգային կենտրոնի և Հայաստանի արդյունաբերողների և գործարարների (Գործատուների) միության կոնսորցիումի կողմից: Հայաստանի արդյունաբերողների և գործարարների (գործատուների) միությունը նախատեսում է հրավիրել ավելի քան երեսուն գործարարների, որոնք ներկայացնում են Թուրքիայի տարբեր քաղաքների բիզնես ոլորտները, այդ թվում` թեթև արդյունաբերություն, շինարարություն, կահույքագործություն, հանքային արդյունաբերություն, ոսկերչություն և առևտուր: Միջոցառմանը կմասնակցեն նաև Հայաստանի տարբեր գործարար ոլորտների ներկայացուցիչներ, ովքեր հանդիպում կունենան Թուրքիայից ժամանած առանձին գործարարների հետ՝ համապատասխան ոլորտներում համագործակցության հնարավորությունները քննարկելու նպատակով: Կհրավիրվեն նաև բանախոսներ, ովքեր կխոսեն Հայաստանի և Թուրքիայի գործարար ոլորտների միջև գործարար հարաբերությունների ներկայիս իրավիճակի, ինչպես նաև հեռանկարների վերաբերյալ: Հանդիպման ընթացքում նաև տեղի կունենա Թուրքիայից հրավիրված մասնակիցների արտադրանքի նմուշների ցուցադրություն, որը թույլ կտա հայ գործարարներին ծանոթանալ թուրքական արտադրատեսակներին, որակին և արտադրության տեխնոլոգիաներին, ինչպես նաև քննարկել համագործակցության հնարավորություններ: Համաժողովի ընթացքում նախատեսվում է համագործակցության հուշագրերի ստորագրություն հայկական և թուրքական գործարար կառույցների, ինչպես նաև գործարար կանանց կազմակերպությունների միջև` դիվանագիտական հարաբերությունների բացակայության պայմաններում երկու երկրների միջև գործարար համագործակցությունըզարգացնելու նպատակով: ԱՄՆ ՄԶԳ-ն և կոնսորցիումի անդամներն աջակցում են Հայաստան-Թուրքիա հարաբերությունների բարելավմանը՝ խթանելով քաղաքացիական հասարակության համագործակցությունը, հիմնելով գործարարների և պրոֆեսիոնալների ցանցեր և զարգացնելով եղած համագործակցության օրինակները, ինչպես նաև սատարելով երկու ժողովուրդների միջև փոխըմբռնման ձևավորմանն ու խորացմանը` տարածաշրջանում խաղաղության և տնտեսական ինտեգրման հասնելու նպատակով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |