Վանո Սիրադեղյանի վստահված անձինք շարունակում են պատգամավորության թեկնածու առաջադրվելու համար անհրաժեշտ փաստաթղթերի հավաքումը:

Ազգային ժողովում լսումներ են անցկացվել Հարավային Կովկասի տարածաշրջանում ստեղծված իրավիճակի կապակցությամբ:

Ապրիլի 16-ին տնտեսական գործերի դատարանում կուսումնասիրվի «Ա1+» հեռուստաընկերության հիմնադրի հայցը ընդդեմ հեռուստատեսության եւ ռադիոյի ազգային հանձնաժողովի, որի որոշման համաձայն ընկերությունը զրկվել է 37-րդ դեցիմետրային հաճախականությունից իր հաղորդումները հեռարձակելու իրավունքից:

ԱՄՆ Կոնգրեսի Արտաքին տնտեսական գործառնությունների հանձնաժողովը լսել է այն միջոցների մասին հարցը, որոնք պետք է տրամադրվեն Լեռնային Ղարաբաղին որպես օգնություն:

Վրաստանի զինված ուժերի գլխավոր շտաբի պետ Ջոնի Պիռցխալաիշվիլու Երեւան կատարած եռօրյա աշխատանքային այցի արդյունքում, ստորագրվել է արձանագրություն պաշտպանության ոլորտում համագործակցության վերաբերյալ:

Ամերիկյան Կալիֆորնիա նահանգի օրենսդիր մարմնի անդամները միաձայն քվեարկել են Երեւանում Կալիֆորնիայի առեւտրա-արդյունաբերական ներկայացուցչություն բացելու վերաբերյալ օրենքի օգտին:

Ինչքան ուժեղ լինի Հայաստանը, այնքան ուժեղ կլինի Վրաստանը: Այդ մասին այսօր եզրափակիչ մամլո ասուլիսի ընթացքում հայտարարել է, եռօրյա աշխատանքային այցով Երեւանում գտնվող, Վրաստանի Գլխավոր շտաբի պետ Ջոնի Պիրցխալաիշվիլին:

Առաջարկությունը ամերիկյան կողմից արդեն ներկայացված է եւ գտնվում է քննարկման փուլում:

Հիշեցնենք, որ նմանատիպ առաջարկով երեկ հանդես է եկել Հասարակական հեռուստատեսության խորհուրդը, որը պատրաստակամություն է հայտնել մեկ ամսվա ընթացքում օրը մեկ անգամ եթեր հեռարձակել «Ա1+» հեռուստաընկերության «Այբ-Ֆե» լուրերի թողարկումները:

«Ա1+» հեռուստաընկերության շուրջ ստեղծված իրավիճակի առնչությամբ այսօր հայտարարություն-առաջարկ է տարածել Հայաստանի Հանրային հեռուստառադիոընկերության խորհուրդը: