Ֆրանսիայում առաջիկա նախագահական ընտրությունների նախօրեին երկրի հայ համայնքի կազմակերպությունները դիմել են երկու հիմնական թեկնածուներին` գործող նախագահ Ժակ Շիրակին եւ վարչապետ Լիոնել Ժոսպենին հարցերով` թե ինչպե՞ս են նրանք վերաբերվում են հայոց ցեղասպանության փաստի ժխտման փորձերին եւ Թուրքիայի կողմից իրագործվող Հայաստանի շրջափակմանը:

Ռուսաստանյան հեռուստատեսության ակադեմիայի նախագահ Վլադիմիր Պոզները իր համերաշխությունն է հայտնել «Ա1+» հեռուստաընկերության աշխատակազմին, որը զրկվել է, Հեռուստատեսության եւ ռադիոյի ազգային հանձնաժողովի կողմից անցկացված մրցույթի արդյունքում զրկվեց 37-րդ դեցիմետրային հաճախականության վրա հեռարձակման իրավունքից:

Իսրայելի վարչապետ Արիէլ Շարոնին եւ Պաղեստինյան ինքնավարության առաջնորդ Յասիր Արաֆաթին հասցեագրված փաստաթղթում արտահայտված է Հայ Առաքելական եկեղեցու անհանգստությունը` Մերձավոր Արեւելքում ստեղծված իրավիճակի կապակցությամբ:

Ռուսաստանի կառավարությունը հավանության է արժանացրել Հայաստանի հետ ռազմական ոլորտում տեղեկության փոխանակման վերաբերյալ համաձայնագրի նախագիծը:

Բացի տեղական ինքնավար կառույցների ներկայացուցիչների եւ հասարակական կազմակերպությունների ղեկավարության հետ հանդիպումից, հյուրերը բանակցել են նաեւ մարզպետ Թեյմուրազ Մոսիաշվիլու հետ:

Թեհրանում անցկացված ցույցին նրանք պահանջել են Իսրայելից դադարեցնել ոտնձգությունը Պաղեստինի դեմ:

Թուրքիայի վարչապետ Բյուլենթ Էջեւիթի հայտարարությունն այն մասին, որ Իսրայելը «իրականացնում է պաղեստինցիների ցեղասպանությունը», հանգեցրել է երկու դաշնակիցների` Անկարայի եւ Թել Ավիվի հարաբերությունների սրմանը:

Խորհրդակցության աշխատանքին մասնակցելու համար Հայաստանի մայրաքաղաք է ժամանել Կոլեկտիվ անվտանգության պայմանագրի քարտուղար Վալերի Նիկոլայենկոն: Այսօր նա հանդիպել է նախագահ Ռոբերտ Քոչարյանի եւ արտաքին գործերի նախարար Վարդան Օսկանյանի հետ:

Բաքվում սկսվել է «Հիզբութ-Թահրիր» միջազգային ահաբեկչական կազմակերպության ադրբեջանական թեւի անդամների գործով դատավարությունը: Հիշեցնենք, որ Ադրբեջանի վեց քաղաքացիներ մեղադրվում են իշխանությունը բռնի ոժով զավթելու փորձի եւ հրազենի կիրառմամբ ահաբեկչական գործողություններ նախապատրաստելու մեջ: Ինչպես հաղորդում է Բաքվի «Թուրան» լրատվական գործակալությունը նրանց մասնավորապես մեղադրում են Բաքվում ԱՄՆ դեսպանատան եւ միջազգային կազմակերպությունների ներկայացուցիչների դեմ ահաբեկչական գործողություններ կազմակերպելու մեջ: Հետաքննության արդյունքների համաձայն խմբավորման անդամները, որի կենտրոնը գտնվում է Պաղեստինում, կրոնական քարոզչության քողի տակ նպատակադրվել էին հասնել Ադրբեջանի ներկա պետական կարգի փոփոխմանը եւ ստեղծել իսլամական պետություն: