Մոսկվայում վերջին մի քանի օրվա ընթացքում գտնվել են կովկասյան արտաքինով երկու տղամարդու գլուխ:

«Բրիթիշ Պեթրոլեում» ընկերության ադրբեջանական մասնաճյուղի ղեկավար Դեւիդ Վուդվորդը հերքել է Բաքու-Թբիլիսի-Ջեյհան հիմնական արտահանող խողովակաշարը Հայաստանի տարածքով կառուցելու հնարավորությունը:

Ահաբեկչական գործունեության կասկածանքով 2003 թվականին Ադրբեջանում ձերբակալվել է «Հիզբ-ութ-Թահրիր» կազմակերպության յոթ անդամ, տեղեկացրել է Ադրբեջանի կրոնական կազմակերպությունների գծով պետկոմիտեի ղեկավար Ռաֆիկ Ալիեւը:

ՌԴ Դաշնային Խորհրդի կոմիտեի նախագահ Միխայիլ Մարգելովի կարծիքով, ներկայումս այդ ուղղումը վերացնելու համար կան ամենաբարենպաստ նախադրյալները:

Թուրքիայի խորհրդարանը նախօրեին ընդունել է Շվեյցարիայի ազգային խորհրդում Հայոց ցեղասպանության ճանաչումը դատապարտող որոշում:

Փախստականի կարգավիճակ ստանալու համար հայերը գերադասում են Ավստրիան եւ Սլովակիան:

Հայաստանի տրանսպորտի եւ կապի նախարարության հայցադիմումը երկրում հեռահաղորդակցության ցանցի մենաշնորհատեր, հայ-հունական «ԱրմենՏել» ընկերության դեմ ՀՀ տնտեսական դատարանը կքննի 2004թ-ի հունվարի 8-ին:

«Ֆրիդոմ Հաուզ» ամերիկյան իրավապաշտպան հայտնի կազմակերպությունը, ամփոփելով անցնող տարվա արդյունքները, տարածել է աշխարհում քաղաքական իրավունքի եւ քաղաքացիական ազատության հարցերին առնչվող ավանդական հաշվետվությունը: Լուրջ վերլուծության վրա հիմնված փաստաթուղթը առանձնացնում է երեք տիպի պետություն` «ազատ», «մասնակիորեն ազատ» եւ «անազատ»: Ինչպես նախորդ տարիներին, Հայաստանը եւ Լեռնային Ղարաբաղն ընդգրկված են երկրորդ խմբում: Միաժամանակ, ամերիկյան փորձագետներն Ադրբեջանը որակել են որպես «անազատ» երկիր` դասելով նրան այն պետությունների շարքը, որտեղ «բացակայում են հիմնական քաղաքական սկզբունքները, իսկ քաղաքացիական ազատությունները զանգվածաբար եւ պարբերաբար ոտնահարվում են»: