ՀՀ էներգետիկայի նախարարի խոսքերով` գազամուղի շինարարության վերաբերյալ հիմնական պայմանագիրը կստորագրվի մոտ ժամանակներս` Իրանի գազի եւ նավթի նախարարի Երեւան կատարելիք այցի ընթացքում:

Նախօրեին Թեհրանում բախումներ են տեղի ունեցել Հարավային Ադրբեջանի ազգային զարթոնքի շարժման ակտիվիստների եւ տեղի հայերի միջեւ:

Ադրբեջանում ՄԱԿ-ի փախստականների գործերով Գերագույն հանձնակատարի ներկայացուցչությունը մերժել է փախստականի կարգավիճակ տրամադրել Բաքվում «ապաստան» որոնող երկու հայերին:

Թմրադեղերի միջազգային շրջանառության ռազմավարական վերահսկողության վերաբերյալ ԱՄՆ պետդեպարտամնետի 2003 թվականի զեկույցը չի պարունակում Լեռնային Ղարաբաղում եւ նրա կողմից վերահսկվող տարածքներում թմրադեղերի աճեցման եւ տարածման մասին Ադրբեջանի կողմից առաջադրվող տեղեկությունները:

Թուրքիայի դեսպանը դիմել է կանադացի խորհրդարանականներին ուղերձով` չճանաչել հայոց ցեղասպանությունը, քանզի, նրա խոսքերով` դա կարող է բացասաբար անդրադառնալ թուրք-կանադական հարաբերությունների վրա:

Ֆերենց Կոնտրան հայտարարել է, որ Հունգարիայի եւ Ադրբեջանի միջեւ չկա ձերբակալվածների էքստրադիցիայի վերաբերյալ պայմանագիր:

Ջոն Օրդուեյը հանդիպումներ է անցկացրել «Արդարություն» ընդդիմադիր դաշինքի առաջնորդ Ստեփան Դեմիրճյանի եւ «Ազգային միաբանություն» կուսակցության առաջնորդ Արտաշես Գեղամյանի հետ:

ԱՄՆ-ի Պետդեպարտամենտի նախաձեռնությամբ 2001թ.-ի հունիսին ստեղծված հայ-թուրքական հաշտեցման Հանձնաժողովը հայտարարեց իր լուծարման մասին: Հանձնաժողովի անդամների ընդունած հայտարարության մեջ նշվում է, որ որոշումը պայմանավորված է նրանով, որ արդեն հասել են գլխավոր նպատակին` «հասնել երկու ժողովրդների միջեւ լայնածավալ կապերի հաստատմանը»,- նշված է փաստաթղթում: