Կոսովոյի հակամարտության լուծումը, որն այնքան շտապեցնում են ԱՄՆ ու ԵՄ-ն, քաղաքականից բացի ունի նաեւ տնտեսական աստառ: Անկախության եւ Սերբիայից անջատվելու երկրամասի ձգտումը թելադրվում է ոչ այնքան Կոսովոյի ալբանացիների մասին հոգատարությամբ, ինչը, կոպիտ ասած, ոչ ոքի չի հետաքրքրում, այլ զուտ տնտեսական նպատակներով: Կոսովոյում կա Տրեպչա շրջան, որը շատ հարուստ է օգտակար հանածոներով, որտեղից մինչ Հարավսլավիայի փլուզումը շատ երկրներ արճիճ, ցինկ, կադմիում, արծաթ էին արտահանում: Կան Կոսովոյում նաեւ ածուխի պաշարներ, որոնք գնահատվում են 17 մլրդ տոննա: