Հայ-թուրքական հարաբերությունների կարգավորում, որի մասին վերջերս շատ են խոսում, գոյություն չունի: Գոյություն ունեն դիվանագետների, հասարակայնության ներկայացուցիչների պարբերական հանդիպումներ, եւ վերջ: Միգուցե եւս մեկ անգամ հանդիպեն երկու երկրների նախագահները Կայսերիում ֆուտբոլի Թուրքիայի եւ Հայաստանի հավաքականների միջեւ կայանալիք խաղի ժամանակ: Դրանով ողջ կարգավորումն ավարտվում է: Ողջ հետաքրքրությունը կայանում է նրանում, թե ինչ անել. ուշադրություն չդարձնել այն տերությունների վրա, որոնք փորձում են տարածաշրջանում բոլորին հաշտեցնել, որպեսզի հետո պատերազմ սկսեն ազդեցության ոլորտների նոր սահմանի համար, կամ էլ համաձայնել առաջարկված պայմաններին:

Պրահայում Հայաստանի եւ Ադրբեջանի նախագահների հերթական հանդիպումը կրկին ոչինչի չի հանգեցրել:Համենայն դեպս, այդպիսի տպավորություն է ստեղծվում հաղորդագրություններից, որոնք, ինչպես միշտ, լի էին բարեկամական, ոչինչ չպարտավորեցնող արտահայտություններով: Մի խոսքով, ոչ մի «բեկում» տեղի չի ունեցել: Ճիշտ է, Մեթյու Բրայզան, ինչպես միշտ, հավատարիմ է մնացել իրեն եւ կրկին անտեղի ասել, որ «համաձայնություն է ձեռքբերվել հիմնարար սկզբունքների շուրջ», ինչն անհապաղ հարուցել է Ստեփանակերտի կտրուկ արձագանքը:

Ապրիլի 11-ին Հայ Առաքելական եկեղեցին սկսում է նշել եկեղեցական վեց Տաղավար տոներից մեկը` Սուրբ Զատիկը: Արեւի մայրամուտի հետ մինչ ուշ երեկո ՀԱԵ բոլոր եկեղեցիներում կմատուցվի պատարագ, որը նշանավորում է Մեծ պասի ավարտն ու Հիսուս Քրիստոսի հարությունը: Մահացած եւ հարություն առած աստծո ավանդույթը գալիս դեռեւս հին եգիպտական կրոնից, երբ եգիպտացիները նշում էին Օսիրիս աստծո մահն ու հարությունը: Այժմյան քրիստոնեական Զատիկը իր սկիզբն է առնում Հին կտակարանից: Հին հրեաները նշում էին Զատիկը (Պեսախ) որպես Եգիպտսից հրեաների հեռանալու տոն:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում: