Անցած շաբաթը համարձակ կարելի է անվանել Հայաստանի միջազգային մշակութային շաբաթ, քանի որ վերջին 7 օրերի ընթացքում Երևանի երաժշտական բեմերն ընդունում էին միջազգային փառատոների մասնակիցների, թատերական բեմերը` արտասահմանից ժամանած հյուրերի, իսկ կինոթատրոնները ցուցադրում էին արտասահմանցիների նկարահանած ֆիլմերը Հայաստանի և հայերի մասին:

Մայիսի 10-ին Ադրբեջանում նշում էին Հեյդար Ալիևի ծննդյան օրը: Միջոցառումների և փառաբանությունների ծավալը` ուղղված հանգուցյալին, անցնում էին բոլոր ընդունելի սահմանները: Նույնիսկ Իոսիֆ Ստալինը չուներ այդպիսի «անձի պաշտամունք», որն առկա է այսօրվա Բաքվում: Նույն ինքը Կիմ Իր Սենը` լեգենդար կորեացի առաջնորդը, չի կարող հասնել Հեյդար Ալիևին: Մենք չզլացանք աչքի անցկացնել համաշխարհային մամուլը, որտեղ, Բաքվի քարոզչության խոսքերով, «հսկայական քանակությամբ հրապարակումներ են եղել համազգային առաջնորդի, ազգի հոր ծննդյան օրվա առթիվ»: Բացի եղբայրական Վրաստանից` ոչ մի տեղ ոչինչ չկա, և հետո ադրբեջանական ԶԼՄ-ների տեղեկատվությանն ավելի ու ավելի քիչ ես սկսում հավատալ:

Ֆիքսված հեռախոսակապի նոր օպերատորների մուտքը հայկական շուկա չի հանգեցնի «ԱրմենՏել» ընկերության ֆիքսված հեռախոսակապի սակագների նվազման: Այդ մասին մայիսի 5-ին կայացած մամլո ասուլիսում հայտնեց «ԱրմենՏել» ընկերության գլխավոր տնօրեն Իգոր Կլիմկոն: «Ֆիքսված հեռախոսակապի սակագները որոշվում են Հանրային ծառայությունների կարգավորման հանձնաժողովի կողմից, և ես կապ չեմ տեսնում նոր օպերատորների հայտնվելու ու սակագների նվազման միջև»,- ասաց Կլիմկոն: Նա հաղորդեց նաև, որ «ԱրմենՏել» ընկերությունը պայմանագիր է կնքել ֆիքսված հեռախոսակապի երկու նոր օպերատորների հետ և ողջունել նրանց մուտքն այդ շուկա:

Ղարաբաղա-ադրբեջանական հակամարտությունը սկսվեց 1988-ին: Ի պատասխան Ղարաբաղի հայերի խաղաղ պահանջների, որոնք կազմում էին Լեռնային Ղարաբաղի ինքնավար մարզի (ԼՂԻՄ) բնակչության 80 տոկոսը, Ադրբեջանն ագրեսիա հրահրեց խաղաղ բնակչության նկատմամբ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ Պաշտպանության բանակը ստեղծեց նաև անվտանգության գոտի ԼՂՀ շուրջ, որը ներառում էր 7 շրջաններ: Սակայն այդ ժամանակ հակամարտության գոտուց դուրս ընթանում էր այլ պատերազմ` գաղափարական:

Այս շաբաթ ներքաղաքական իրադարձությունները Հայաստանում զարգանում էին ղարաբաղյան խնդրի և մայիսյան տոների շուրջ: Քաղաքագետ Լևոն Շիրինյանը թուրքագետ Արտակ Շաքարյանի հետ համատեղ մամլո ասուլիսում հայտարարեց, որ այսօր Ադրբեջանն ի վիճակի չէ լուծելու ղարաբաղյան հակամարտությունը: Նրա խոսքերով, Ադրբեջանի սպառնալիքներին պատասխանելու փոխարեն, Հայաստանն ինքը պետք է սպառնալիքներ ստեղծի Բաքվի համար: Իր հերթին Արտակ Շաքարյանը չի համաձայնվել Շիրինյանի հետ այն հարցում, որ Հայաստանը պետք է ինքը սպառնալիք ստեղծի, ասելով. “Վերջին 20 տարում Հայաստանը միջազգային հանրության աչքերում ստեղծել է այնպիսի երկրի իմիջ, որը հակամարտությունների խաղաղ լուծման կողմնակից է: Դրանով էլ մենք տարբերվում ենք Թուրքիայից ու Ադրբեջանից»:

ՀՀ կառավարությանն առընթեր անշարժ գույքի կադաստրի պետական կոմիտեն այս շաբաթ ներակայացրեց հանրապետության անշարժ գույքի շուկայում տիրող իրավիճակը, ինչպես նաև մինչև տարեվերջ կանխատեսումները: Չնայած նրան, որ կոմիտեի մասնագետները կանխատեսում են անշարժ գույքի շուկայի ոչ մեծ աշխուժություն, մասնավորապես, պահպանվում է անշարժ գույքի գործարքների աճի միտումն այս տարվա ընթացքում, այնուամենայնիվ, Հայաստանում գների անկում մոտակա ամիսներին չի սպասվում:

Բռնցքամարտ. Առաջին գերթեթև քաշային կարգում WBC և WBA վարկածներով աշխարհի չեմպիոն, հայ բռնցքամարտիկ Վախթանգ Դարչինյանն իր հաջորդ մենամարտն անցկացնելու է մայիսի 20-ին Սիդնեյում (Ավստրալիա): Դարչինյանի մրցակիցը լինելու է ֆիլիպինցի Ռիչարդ Գարսիան, որը կարիերայի մեծ մասն անցկացրել է 49 կգ քաշային կարգում: