Հայաստանի մայրաքաղաք Երևանի կենտրոնում մեկնարկել է զբոսաշրջությանը վերաբերող միջոցառում, որը տևելու է տասը օր: Այդ տասն օրերի ընթացքում հարևան պետություններից ժամանած հյուրերը կարող են ծանոթանալ Հայաստանի մշակույթին և այցելել տեսարժան վայրեր, զգալ «խոսող քարերի» երկրի ազգային կոլորիտը: Միջոցառումներն ուղղված են տարածաշրջանում զբոսաշրջության զարգացմանը, երկրում զբոսաշրջության խթանմանը, փորձի փոխանակման ու համագործակցության նոր հնարավորությունների ձեռքբերմանը, բնագավառում առկա արդիական հիմնախնդիրների բարձրացմանն ու դրանց լուծման ուղիների որոնմանը, ինչպես նաև հասարակությանը զբոսաշրջության նոր հեռանկարները ներկայացնելու գործին:

Քաղաքական շաբաթը Հայաստանում սկսվեց ղարաբաղյան հիմնախնդրի շուրջ բանավեճից: Մայիսի 10-ին PanARMENIAN.Net-ի թղթակցի հետ զրույցում «Բարգավաճ Հայաստանի» խորհրդարանական խմբակցության քարտուղար Արամ Սաֆարյանը հայտարարեց. այն, որ Ադրբեջանի նախագահ Իլհամ Ալիևը հրաժարվեց մասնակցել ԱՊՀ ղեկավարների մայիսին 8-ին կայացած ոչ պաշտոնական գագաթնաժողովին, ինչպես նաև Ադրբեջանի ԱԳ նախարար Էլմար Մամեդյարովի հրաժարվելը ԵԱՀԿ ՄԽ համանախագահների հետ հանդիպումից, որը կայանալու էր Բրյուսելում մայիսի 11-ին, նույն մտածված շղթայի օղակներն են, որով ադրբեջանական կողմը ձգտում է թաքցնել այն, որ ինքը պատրաստ չէ կարգավորել Ղարաբաղյան հակամարտությունը խաղաղ ճանապարհով:

85 տարի առաջ ձևավորվեց Նախիջևանի Ինքնավար Հանրապետությունը (ՆԻՀ), որը տեսանելի ապագայում կարող է լարվածության ևս մեկ օջախի վերածվել և պարզապես պայթեցնել տարածաշրջանը: Չնայած Նախիջևանի` Ադրբեջանին պատկանելության հարցում թվացյալ համաձայնությանը, Թուրքիան ու Իրանը սկսել են հիմք շոշափել և կուլիսային պայքար մղել Բաքվին, իսկ ավելի ճիշտ Նախիջևանին իրենց ցանկությունները թելադրելու իրավունքի համար: Այնուհետև այդ ցանկությունները կարող են վերածվել պայմանների. տվյալ դեպքում ամեն ինչ կախված է Ադրբեջանի «վարքից», որը միատեսակ ուժեղ կախվածություն ունի և Թուրքիայից, և Իրանից: Բայց առավել կախված է Ռուսաստանից, որքան էլ Բաքվի «փորձագետներն» ու «քաղաքագետներն» իրենց ժողովրդին հակառակում համոզեն:

Անցած շաբաթը համարձակ կարելի է անվանել Հայաստանի միջազգային մշակութային շաբաթ, քանի որ վերջին 7 օրերի ընթացքում Երևանի երաժշտական բեմերն ընդունում էին միջազգային փառատոների մասնակիցների, թատերական բեմերը` արտասահմանից ժամանած հյուրերի, իսկ կինոթատրոնները ցուցադրում էին արտասահմանցիների նկարահանած ֆիլմերը Հայաստանի և հայերի մասին:

Ղարաբաղա-ադրբեջանական հակամարտությունը սկսվեց 1988-ին: Ի պատասխան Ղարաբաղի հայերի խաղաղ պահանջների, որոնք կազմում էին Լեռնային Ղարաբաղի ինքնավար մարզի (ԼՂԻՄ) բնակչության 80 տոկոսը, Ադրբեջանն ագրեսիա հրահրեց խաղաղ բնակչության նկատմամբ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ Պաշտպանության բանակը ստեղծեց նաև անվտանգության գոտի ԼՂՀ շուրջ, որը ներառում էր 7 շրջաններ: Սակայն այդ ժամանակ հակամարտության գոտուց դուրս ընթանում էր այլ պատերազմ` գաղափարական:

Չինական ընկերությունները, որոնք մասնագիտանում են սարքավորումների, էլեկտրոնային կառավարման, հեռահաղորդակցային համակարգերի ոլորտում, մտադիր են հավակնոտ ծրագրեր իրականացնել Հայաստանում: Չինաստանում կատարած այցի շրջանակներում նախագահ Սերժ Սարգսյանը մայիսի 2-ին իր կեցավայրում ընդունել է «Հուավեյ» (Huawei Technologies Co. Ltd) կորպորացիայի գործադիր տնօրեն Լին Ռուի Չիի և «ZTEե (Zhong Xing Telecommunication Equipment Company Limited) կորպորացիայի նախագահ Լիրոն Շիի հետ: «Հուավեյ» ընկերության հետ հուշագիր կնքվեց համագործակցության մասին:

Բռնցքամարտ. Առաջին գերթեթև քաշային կարգում WBC և WBA վարկածներով աշխարհի չեմպիոն, հայ բռնցքամարտիկ Վախթանգ Դարչինյանն իր հաջորդ մենամարտն անցկացնելու է մայիսի 20-ին Սիդնեյում (Ավստրալիա): Դարչինյանի մրցակիցը լինելու է ֆիլիպինցի Ռիչարդ Գարսիան, որը կարիերայի մեծ մասն անցկացրել է 49 կգ քաշային կարգում: