Այս շաբաթ Հայաստանի տնտեսությունը, կարելի է ասել, «հանգստանում էր»: Շաբաթվա սկզբում վարչապետ Տիգրան Սարգսյանը կարճաժամկետ արձակուրդ մեկնեց, որի մի մասը նա կանցկացնի արտասահմանում` բժշկական հետազոտություն անցկացնելու նպատակով:

Այս շաբաթ քաղաքական իրադարձությունները զարգացել են Հարավային Կովկասում Ռուսաստանի ներկա քաղաքականության, Դմիտրի Մեդվեդևի` Հայաստան կատարելիք այցի, ՀԱՊԿ գագաթնաժողովի շուրջ: Եթե Լեռնային Ղարաբաղում պատերազմ սկսվի, Ռուսաստանը չի կատարի պարտականությունները, որոնք վերցրել է իր վրա որպես ՀԱՊԿ-ում Հայաստանի ռազմավարական գործընկեր: Այդ մասին օգոստոսի 9-ին Երևանում մամլո ասուլիսում հայտարարել է քաղաքագետ, «Միտք» վերլուծական կենտրոնի ղեկավար Հրանտ Մելիք-Շահնազարյանը:

2008 թ. օգոստոսի 8-ի գիշերը Վրաստանում սկսված հնգօրյա պատերազմի հետևանքներն անդրադարձել են Հարավային Կովկասի յուրաքանչյուր պետության վրա յուրովի: Վրաստանն ամերիկյան ժողովրդավարություն խաղալով` վերջնականապես կորցրեց Աբխազիան և Հարավային Օսեթիան, իսկ Վրաստանի ղեկավարը, չարդարացնելով արևմտյան հովանավորների հույսերը, ձեռք բերեց «անկանխատեսելի դեռահասի» վարկանիշ: Ինքնահռչակ Աբխազիայի և Հարավային Օսեթիայի հարցերի ռազմական լուծման վրացական ձախողված փորձը Ադրբեջանի ղեկավարության համար «սառը ցնցուղ», կարծես, լիներ, որի ազդեցությամբ ժամանակավորապես նվազեց Ղարաբաղում ռազմական գործողություններ սկսելու հավանականությունը:

7 հեթանոսական աստվածներին նվիրված տոնը նշանակալի է դարձել հայ ժողովրդի համար մի քանի կարևորագույն դեպքերով: Հին հայկական Նոր տարի Նավասարդը Հայաստանում նշվում է տասնյակ դարեր շարունակ օգոստոսի 11-ին: Այդ տոնն ամենասիրված և պաշտված տոներից մեկն է եղել մեր նախնիների համար, իսկ հիմա նրա մասին կարելի է լսել միայն պատմաբանների պատմություններից և ընթերցել հայկական ժողովրդական բանահյուսության ստեղծագործություններում:

«Նովայա վոլնա» մրցույթի գոյության 10 տարվա մեջ առաջին անգամ հաղթող ճանաչվեց հայ երգչուհին: Այս տարի Հայաստանը ներկայացնում էր Սոնա Շահգելդյանը` նա հաղթեց ընտրական փուլում, որը տեղի ունեցավ ընթացիկ տարվա ապրիլին: Սոնայի հիանալի վոկալային տվյալների և ձայնի անսովոր տեմբրի մասին վաղուց էին խոսում: Սակայն հզոր վոկալով աչքի են ընկել «Նովայա վոլնա» մրցույթի տարբեր տարիների գրեթե բոլոր հայ մասնակիցները, սակայն նրանց բոլորին ինչ-որ բան պակասել է հաղթանակի համար: Ժյուրին ավանդաբար իր հիացմունքն էր հայտնում Հայաստանից ժամանած երգիչներին, սակայն ամեն անգամ նրանց չէր բավականացնում մի քանի, կամ նույնիսկ մեկ միավոր հաղթանակի համար: Այդպես եղավ նաև Ռազմիկ Ամյանի դեպքում, որը մասնակցեց մրցույթին 2006-ին, երբ բոլորը հիացմունքով էին խոսում երգչի յուրահատուկ ձայնի մասին, սակայն հաղթեց ԱՄՆ-ի ներկայացուցիչը: Մոտավորապես նույն իրավիճակն էր Մհերի դեպքում` նա մասնակցեց մրցույթին 2008 թվականին: Այն ժամանակ նա արժանացավ հանդիսատեսի համակրանքի մրցանակին, սակայն առաջին տեղը չգրավեց:

«ՋիԷնՍի-Ալֆա»«/b» ՓԲԸ ավարտել է իր համապետական ծածկույթի 10 Գբ/վ թողունակությամբ IP/MPLS ցանցի ընդլայնման առաջին փուլը: Աշխատանքների արդյունքում Երևանում և ութ մարզերի16 բնակավայրերում (Աբովյան, Նոր Հաճըն, Մասիս, Ջերմուկ, Քաջարան, Ագարակ, Աշտարակ, Ապարան, Գյումրի, Սպիտակ, Վանաձոր, Ստեփանավան, Ալավերդի, Տաշիր, Բագրատաշեն) շահագործման են հանձնվել ընկերության ցանցի հանգույցներ, որոնք հագեցած են ամերիկյան Juniper Networks արտադրության գերժամանակակից սարքավորումներով:

Ըմբշամարտ- Հուլիսի 21-ին Բուդապեշտում (Հունգարիա) ըմբշամարտի աշխարհի երիտասարդական առաջնության հունա-հռոմեական ըմբշամարտում Արթուր Ալեքսանյանը (84 ք/կ) դարձավ աշխարհի չեմպիոն: Նա հաղթանակ է տարել 5 ըմբշամարտիկների դեմ մենամարտերում և մինչ հիմնական ժամանակի ավարտը առանց դժվարության հաղթեց Սեյ Յոլա Լինիին (Հարավային Կորեա): Մինչ այդ 60 ք/կ-ում բրոնզե մեդալ էր նվաճել Ալեքսան Միքայելյանը: