Առաջինը, ինչ մենք զգացինք տնտեսական ճգնաժամից հետո, այն էր, որ դա տեղի ունեցավ մեր տնտեսության բավարար չափով դիվերսիֆիկացված չլինելու պատճառով: Այս մասին հայտարարել է ՀՀ վարչապետ Տիգրան Սարգսյանը CNN հեռուստաընկերությանը հունիսի 15-ին տված հարցազրույցում: «Ճգնաժամին մեր պատասխանը կենտրոնացավ երեք հիմնական ուղղությունների վրա` տնտեսության հետագա դիվերսիֆիկացիա, ենթակառուցվածքների և բիզնես միջավայրի բարելավում: Հուսով ենք` շարունակական բարեփոխումների ջանքեր գործադրելով` մենք ի վիճակի կլինենք բարելավել բիզնես միջավայրը և հաղթահարել ճգնաժամի հետևանքները»,-ասել է նա հայտնի տնտեսական մեկնաբան, լրագրող Ջոն Դեֆթերիոսի հետ զրույցում:

Հայկական հարցի արծարծումը Ֆրանսիայի արտաքին քազաքականության օրակարգում նոր երևույթ չէ: Դեռևս 1965թ. Ցեղասպանության 50-ամյա տարելիցի նախօրյակին Հայկական հարցը Ֆրանսիայում առաջին անգամ բարձրացրեցին կոմունիստները` պահանջելով նրա անհապաղ ճանաչումը և հայերին փոխհատուցում: Հատկանշական է, որ այն համընկավ Ֆրանսիայում նախատեսված նախագահական ընտրությունների հետ, որտեղ ձախակողմյան ուժերի թեկնածու Ֆրանսուա Միտտերանին չհաջողվեց առավելության հասնել Շառլ դե Գոլլի նկատմամբ:

Թենիս. Դավիթ Նալբանդյանը դուրս է մնացել «Queen's Club» մրցաշարի քառորդ եզրափակիչից, որը տեղի է ունենում Լոնդոնում: Նալբանդյանը հանդիպել է Ֆերնանդո Վերդասկոի հետ (Իսպանիա), որը կարողացել է հաղթանակ տանել երկու սեթերում 5:7, 1:6 հաշվով: Դա թենիսիստների երրորդ հանդիպումն էր, և այս դիմակայությունում հաշիվը հօգուտ Նալբանդյանի է` 2:1:

Հայ ազգային կոնգրեսը (ՀԱԿ) մայիսի 31-ի ցույցից հետո բացահայտ կերպով հայտարարել է գործող իշխանությունների հետ քաղաքական երկխոսություն սկսելու մասին: ՀԱԿ-ն արդեն որոշել է իր պատվիրակության կազմն ապագա բանակցությունների համար, ինչպես հստակ սահմանել այդ բանակցությունների օրակարգը` երկրում արտահերթ նախագահական և խորհրդարանական ընտրությունների անցկացում: Իրենց հերթին իշխանությունները հայտարարել են, որ նախատեսում են ընդդիմության հետ քննարկել երկրում առկա խնդիրները, սակայն, նրանց խոսքերով, արտահերթ ընտրություններն այդ խնդիրների ցուցակի մեջ չեն մտնում:

Վերջերս բանավեճ է ծավալվել իմ ու Երևանի մամուլի ակումբի նախագահի միջև: Ձեր ուշադրությանն եմ առաջարկում իմ արձագանքը ԵՄԱ-ի նախագահ Բորիս Նավասարդյանի վերջին հայտարարությանը: Ես, իհարկե, սպասում էի, որ Երեւանի մամուլի ակումբի /ԵՄԱ/ նախագահ Բորիս Նավասարդյանը կպատասխանի իմ` մայիսի 10-ին հրապարակված «Տեղեկատվական վեճերի «միապետություն»» սյունակին: Սակայն, խոստովանեմ, ինձ համար անակնկալ էր պարոն Նավասարդյանի պատասխանի ոճը:

Աշխատանքային հայտարարություններ տարածող կայքերի քանակը Հայաստանում վերջին մի քանի տարիներին ավելացել է և շարունակում է ավելանալ։ Թե որքանով են օգտակար և հարմարավետ այս կայքերը թե՛ աշխատանք փնտրողի, թե՛ գործատուի համար, պարզել է PanARMENIAN.Net-ի թղթակիցը։

Հայաստանի մշակույթի նախարարության ենթակայության տակ այսօր գործում է երեք կառույց, որոնք զբաղվում են Հայաստանում հուշարձանների պահպանությամբ: Նրանց աշխատանքի բնույթը պրակտիկորեն չի տարբերվում: Բոլոր երեք կառույցներն էլ «պահպանում են» ՀՀ տարածքում գտնվող հուշարձանները: Ըստ ՀՀ օրենքի, այդ կառույցների կողմից պահպանվում են միայն այն հուշարձանները, որոնք գտնվում են ՀՀ պատմության և մշակույթի անշարժ հուշարձանների պահպանության պետական ցուցակում: Այսինքն, եթե որևէ արձան չի մտնում այդ ցուցակի մեջ, ապա այն չի կոչվում հուշարձան և չի վերահսկվում նրանց կողմից: