ՀՀ վարչապետը և Շվեյցարիայի նախագահը բարձր են գնահատել երկկողմ համագործակցությունը 1 ապրիլի 2011 - 14:56 AMT PanARMENIAN.Net - Հայաստանի Հանրապետություն կատարած պաշտոնական այցի շրջանակում տեղի է ունեցել ՀՀ վարչապետ Տիգրան Սարգսյանի և Շվեյցարիայի նախագահ Միշլին Քալմի Ռեյի հանդիպումը։ Բարձրաստիճան հյուրի պատվին տրվել է աշխատանքային նախաճաշ, որի ընթացքում ՀՀ վարչապետը ներկայացրել է մեր երկրի տնտեսության վիճակն ու զարգացման հեռանկարները։ Շվեյցարիայի նախագահի խնդրանքով Տիգրան Սարգսյանը ներկայացրել է համաշխարհային ֆինանսատնտեսական ճգնաժամի հետևանքների հաղթահարման ուղղությամբ ՀՀ կառավարության իրականացրած միջոցառումները։ Անդրադարձ է արվել մեր երկրում իրագործվող բարեփոխումների ընթացքին ու տարածքների համաչափ զարգացման Հայաստանի Հանրապետության կառավարության ռազմավարությանը։ Վարչապետ Սարգսյանը և Շվեյցարիայի նախագահ Միշլին Քալմի Ռեյի գոհունակություն են հայտնել երկկողմ հարաբերությունների բարձր մակարդակից և քննարկել տնտեսության մի շարք ոլորտներում համագործակցության հնարավորությունները։ Մասնավորապես, կարևորվել է զբոսաշրջության ոլորտում առկա ներուժի օգտագործումը, ինչպես նաև համագործակցությունը տեղեկատվական տեխնոլոգիաների, կրթության ու գյուղատնտեսության ոլորտներում։ Կողմերն ընդգծել են կրթության բնագավառում երկու երկրների ուսումնական հաստատությունների միջև կապերի սերտացման և ուսանողների փոխանակության ծրագրերի իրականացման անհրաժեշտությունը: Հայ-շվեյցարական գործակցության խորացման համատեքստում քննարկվել են Շվեյցարիայի կողմից փորձագիտական օժանդակության տրամադրման հնարավորությունները: Զրուցակիցներն անդրադարձել են նաև տարածաշրջանային զարգացումներին, հաղորդում է ՀՀ կառավարության մամլո ծառայությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սահմանվել է անկած, ոչնչացված կամ սանիտարական սպանդի ենթարկված կենդանիների փոխհատուցման կարգը Դա թույլ կտա հետագայում գնահատել և կառավարել վարակիչ հիվանդությունների ներթափանցման և տարածման ռիսկերը «Արամ Խաչատրյան» համերգասրահը կվերանորոգվի․ Մոտ 123 մլն դրամ կհատկացվի Նախատեսվում է ունենալ նաև փոքր սրահ՝ առանձին մուտքով Fastex-ը կազմակերպել է Cerebrum Intellectus-ի առաջին շրջանավարտների հետ հանդիպումը Cerebrum Intellectus-ի առաջիկա դասընթացներին մասնակցելու համար գրանցման մեկնարկը նույնպես տրվել է Սանոսյան․ Մ6 ճանապարհը բաց է, բայց պետք է զգույշ երթևեկել՝ վնասված հատվածներ դեռ կան Նա նշել է, որ մաքրման հիմնական աշխատանքներն արվել են |