2010-2011 ուսումնական տարում ԵՊՀ-ում կմեկնարկի«Վիզուալ հաշվարկ» մագիստրոսական ծրագիրը25 հոկտեմբերի 2010 - 15:34 AMT PanARMENIAN.Net - Հոկտեմբերի 25-ին ԵՊՀ գիտխորհրդի դահլիճում տեղի ունեվցավ Երևանի պետական և Ռոստոկի համալսարանների «Վիզուալ հաշվարկ» համատեղ մագիստրոսական ծրագրի պաշտոնական բացումը: «Վիզուալ հաշվարկ» մագիստրոսական ծրագիրը ԵՊՀ-ում կմեկնարկի 2010-2011 ուսումնական տարում: Նախագծի շրջանակում նախատեսվում է 2011-2012 և 2012-2013 ուս. տարիներում այլ մագիստրոսական ծրագրերի ներդրում ԵՊՀ-ում: «Վիզուալ հաշվարկ» մագիստրոսական ծրագրին կարող են մասնակցել ինչպես ԵՊՀ, այնպես էլ այլ բուհերի բնագիտական ֆակուլտետների շրջանավարտները` այդ թվում նաև արտերկրից: Ինչպես հայտնում է ԵՊՀ հասարակայնության հետ կապերի ու լրատվության վարչությունը, դեռևս 2009 թվականին Գերմանական ակադեմիական փոխանակման գործակալությունը /DAAD/ հաստատեց համատեղ մագիստրոսական ծրագրերի նախագիծ` ներկայացված ԵՊՀ և Ռոստոկի համալսարանի /ՌՀ/ կողմից: Համաձայն այս նախագծի` ուսանողները 3 կիսամյակ սովորելու են ԵՊՀ-ում և մեկ կիսամյակ ՌՀ-ում, որտեղ և պաշտպանելու են մագիստրոսական թեզ: Դասավանդումը կազմակերպվելու է ՌՀ և ԵՊՀ դասախոսների կողմից, ընդ որում` ՌՀ դասախոսների կողմից ուսուցումը կլինի հեռահար եղանակով` ԵՊՀ դասախոսների օժանդակությամբ: Ուսումնառության արդյունքում ուսանողները կստանան ինչպես ԵՊՀ , այնպես էլ ՌՀ մագիստրոսի աստիճան, ինչը չունի նախադեպ Հայաստանում: Վիզուալ հաշվարկը ինֆորմատիկայի և տեղեկատվական տեխնոլոգիաների մի նոր ուղղություն է, որը հենվում է հետևյալ բնագավառների վրա` մեքենայական գրաֆիկա, մեքենայական տեսողություն և պատկերների մշակում: ԵՊՀ կողմից նախագծի համակարգողն է ԵՊՀ տեղեկատվական տեխնոլոգիաների կրթական և հետազոտական կենտրոնը /գիտական ղեկավար` ֆ.մ.գ.դ., պրոֆեսոր, ՀՀ ԳԱԱ ակադեմիկոս Սամվել Շուքուրյան/: Ծրագիրը իրականացվելու է տեղեկատվական համակարգերի ամբիոնի կողմից: ՌՀ-ի կողմից նախագծի համակարգողն է ՌՀ-ի ինֆորմատիկայի և էլեկտրոտեխնիկայի ֆակուլտետը /դեկան` ճարտարագիտության դոկտոր, պրոֆեսոր Ջամշիդ Թավանգարիան/: «Վիզուալ հաշվարկ» մագիստրոսական ծրագրի պատասխանատուն է ճարտարագիտության դոկտոր, պրոֆեսոր Օլիվեր Շտադտը: Միջոցառմանը հրավիրված են ՀՀ արտաքին գործերի, էկոնոմիկայի, կրթության և գիտության, մշակույթի, սփյուռքի, ինչպես նաև սպորտի և երիտասարդության նախարարները և փոխնախարարները: Հրավիրված են նաև ԳԱԱ, Գիտության պետական կոմիտեի, Գեղարվեստի ազգային ակադեմիայի ներկայացուցիչներ, ինչպես նաև մի շարք դեսպաններ և փոխդեսպաններ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |