Արցախի յուրաքանչյուր աշակերտ կունենա իր դյուրակիր համակարգիչը 16 օգոստոսի 2011 - 15:30 AMT PanARMENIAN.Net - Սեպտեմբերին Ստեփանակերտում և Շուշիում կմեկնարկի ՆՈՒՌ (նոր ուսումնական ռազմավարություն) ծրագիրը, որի նպատակն է փոխել ապագա կրթական համակարգը։ Այս մասին այսօր հայտարարել է «Ֆրութֆուլ Արմենիա» հիմանդրամը՝ ի դեմս արգենտինահայ գործարար էդուարդո Էռնեկյանի։ ՆՈՒՌ ծրագրի շրջանակներում 1-4-րդ դասարանի յուրաքանչյուր աշակերտի և նրանց ուսուցիչներին կտրամադրվի մեկական ժամանակակից մատչելի XO դյուրակիր համակարգիչ (laptop)։ XO դյուրակիր համակարգիչները ստեղծվել և նախագծվել են հատուկ կրթական նպատակներով։ Արցախի կառավարությունը խոստանում է ապահովել դպրոցներն ինտերնետով։ ՆՈՒՌ ծրագրի առաջին փուլում կվերապատրաստվի 160 ուսուցիչ: Հաջորդ փուլում 3600 աշակերտ հնարավորություն կունենա կիրառել ՆՈՒՌ ծրագրի համակարգիչները։ Ծրագիրն իրականացվելու է Արցախի կառավարության և Հայկական բարեգործական ընդհանուր միության համագործակցությամբ։ ՆՈՒՌ-ն իրականացվում է ՄՀՅԵ (մեկ համակարգիչ յուրաքանչյուր երեխային) կրթական ծրագրի գաղափարի ներքո, որը մշակվել է ԱՄՆ Մասաչուսեթսի Տեխնոլոգիաների ինստիտուտում։ Արցախի կառավարությունը խոստացել է ինտերնետով ապահովել նաև մի շարք այլ քաղաքների և գյուղերի դպրոցներ, որպեսզի այնտեղ նույնպես հնարավոր լինի իրականացնել ՆՈՒՌ ծրագիրը։ Ծրագրի հիմնական նպատակներն են դասարան, դպրոց և ընտանիք ներմուծել նոր տեխնոլոգիաներ, բոլոր աշակերտների համար ստեղծել հավասար հնարավորություններ, հասանելի դարձնել տեղեկատվությունը, համաշխարհային կրթական փորձն ու մշակույթը, նպաստել տարածաշրջանում և աշխարհում Արցախի մշակույթի տարածմանը։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |