Էդուրադ Շարմազանով. ՀՀ իշխանությունները վճռականորեն են տրամադրված` անցկացնելու բարձր մակարդակի ընտրություններ23 մարտի 2012 - 19:01 AMT PanARMENIAN.Net - Մարտի 23-ին ՀՀ Ազգային ժողովի փոխնախագահ Էդուարդ Շարմազանովն ընդունեց Հայաստանի Հանրապետությունում Վրաստանի արտակարգ եւ լիազոր դեսպան Թենգիզ Շարմանաշվիլիին եւ դեսպանատան գլխավոր խորհրդական Գեորգի Սագանելիձեին: Այս մասին հաղորդում է ԱԺ մամուլի ծառայությունը: Երկուստեք բարձր գնահատելով հայ-վրացական հարաբերությունների ներկա մակարդակը` միաժամանակ համոզմունք հայտնեցին, որ տարբեր ոլորտներում դեռեւս առկա են փոխգործակցության զարգացման մեծ հնարավորություններ ու հեռանկարներ, որոնք պետք է կյանքի կոչել` ի շահ երկու երկրների: Հանդիպման ժամանակ քննարկվեցին նաեւ միջխորհրդարանական հարաբերությունների ակտիվացմանը, տեւական ընդմիջումից հետո աշխատանքները վերսկսած ՀՀ Ազգային ժողովի եւ Վրաստանի խորհրդարանի համագործակցության միջխորհրդարանական հանձնաժողովի գործունեությանը, տնտեսական ու մշակութային կապերի զարգացմանն առնչվող հարցեր: Դեսպանի խնդրանքով ԱԺ փոխնախագահն անդրադարձավ նաեւ առաջիկա խորհրդարանական ընտրություններին, ծանոթացրեց նախընտրական շրջանի քաղաքական մթնոլորտին, ընտրություններին հայտ ներկայացրած կուսակցություններին ու միավորումներին: Պարոն Շարմազանովի խոսքով` իշխանությունները վճռական են տրամադրված` անցկացնելու բարձր մակարդակի ընտրություններ` շատ լավ գիտակցելով, որ դա է լինելու ժողովրդավարության ամրապնդման ու երկրի համակողմանի զարգացման իրատեսական ճանապարհը: Նա հավաստիացրեց, որ կարեւորագույն խնդիրներն են լինելու ժողովրդի օրինական կամքին հետեւելն ու դեմոկրատական ընտրությունների միջոցով պետական ու ազգային նպատակների շուրջը հասարակությանը համախմբելը: Հանդիպման ժամանակ քննարկվեցին երկկողմ հետաքրքրություն ներկայացնող այլ հարցեր եւս: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |