Բոլոնիայի համալսարանում անցկացվել է ձեռագրերի հիշատակարաններին նվիրված գիտաժողով16 հոկտեմբերի 2012 - 20:33 AMT PanARMENIAN.Net - Հոկտեմբերի 12-13-ը Իտալիայի Բոլոնիա քաղաքի համալսարանի միջնադարագիտության և հնագրության ամբիոնի պրոֆեսոր Աննա Սիրինյանի (Շիրինյան) գլխավորությամբ, նշյալ համալսարանի և «Association Internationale des Etudes Armeniennes» (AIEA)-ի աջակցությամբ բարձր մակարդակով կազմակերպվել էր ձեռագրերի հիշատակարաններին նվիրված մի գիտաժողով, որի ընթացքում ներկայացվեցին ձեռագրական ավանդույթներով հայտնի հունական, ղպտիական, եթովպական, ասորական, արաբական, պարսկական, վրացական ձեռագրերի հիշատակարանները հայկական ձեռագրերի հիշատակարանների համեմատությամբ: Գիտաժողովին մասնակցում էին Եվրոպայի հայտնի` Օքսֆորդի, Հռոմի, Համբուրգի, Բոլոնիայի, Վենետիկի, Պիզայի համալսարանների պրոֆեսորներ, Վատիկանից, Հայաստանից և Վրաստանից հրավիրված մասնագետներ: Գիտաժողովի մասնակիցները միաձայն ողջունեցին հայերեն ձեռագրերի հիշատակարանների մինչ այժմ հրատարակված տասնհատորյա շարքը: Վերջիններս սկզբնաղբյուր են, ինչպես պատմաբանների, այնպես էլ արևելագետների, բանասերների, ազգագրագետների, լեզվաբանների համար: Ուստի, հիշատակարանների առանձին ժողովածուների առկայությունը կարևոր է ոչ միայն հայագիտությամբ, այլև արևելագիտությամբ զբաղվողների համար: Մասնակիցները փաստեցին նաև, որ նման ծավալի հիշատակարանների ժողովածուներ չունեն աշխարհում ձեռագրական ավանդույթներով հայտնի մի շարք գիտական կենտրոններ, մինչդեռ հայերեն ձեռագրերի հիշատակարանները սկսել են հրատարակվել դեռևս 1950-ական թվականներից` Լ. Խաչիկյանի, Ա.Մաթևոսյանի, Գ. Հովսեփյանի, Վ. Հակոբյանի տքնաջան աշխատանքի շնորհիվ: Մատենադարանի կրտսեր գիտաշխատող, ԵՊՀ ասպիրանտ, ARMSCOOP գիտական ցանցի համահիմնադիր Խաչիկ Հարությունյանը գիտաժողովի ընթացքում ներկայացրեց Մատենադարանում ծրագրվող հիշատակարանների նոր ու ամբողջական ժողովածուների հրատարակության վերաբերյալ մանրամասն զեկուցում, որի հեղինակն էր Մատենադարանի գլխավոր ավանդապահ Գևորգ Տեր-Վարդանյանը: Բոլոնիայի համալսարանի միջնադարագիտության և հնագրության ամբիոնի կողմից նմանօրինակ գիտաժողովներ կազմակերպվում են պարբերաբար, որոնց մասնակցում են ինչպես հայ, այնպես էլ օտարազգի հայտնի գիտնականներ, հայտնում է ARMSCOOP գիտական ցանցը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |