Վաճառքի կհանվի հայերենի ուղղագրության, կետադրության և քերականության ստուգման ծրագրի նոր տարբերակը30 հոկտեմբերի 2012 - 18:17 AMT PanARMENIAN.Net - Նոյեմբերի կեսից վաճառքի է հանվելու հայերենի ուղղագրության, կետադրության և քերականության ստուգման ծրագրի նոր` Armenian PowerSpell 2012 տարբերակը: Այս մասին PanARMENIAN.Net ի թղթակցի հետ զրույցում հայտնեց ծրագրի կոորդինատոր Մերի Պապյանը: Ծրագիրն ամբողջությամբ դեռ պատրաստ չէ, բայց կոորդինատորի տվյալներով Armenian PowerSpell 2011-ի համեմատ նոր տարբերակի գլխավոր առավելությունը տողադարձերն ուղղելու հնարավորությունն է: Ինչպես ծրագրի մյուս տարբերակները, այս մեկը ևս ստուգում է մոտ 850.000 բառ և 500 քերականական և կետադրական օրենքների համապատասխանությունը: Ստուգում է նաև կրկնակի իմաստ ունեցող, գծիկով գրվող բառերի ուղղագրությունը, անավարտ նախադասությունները, դժվար ընկալվող հաջորդականությունները, տերմիններն ու օտարալեզու բառերը: Ծրագիրն ապահովում է 99.5 տոկոս ճշգրտություն: «Ծրագիրը ոչ միայն ուղղում է բառերում թույլ տրված տառասխալները, այլև ստուգում է տեքստը ոչ թե բառ առ բառ, այլ իրար հաջորդող մի քանի բառերը միասին` նաև տեքստի իմաստային սխալներն ուղղելու տարբերակ առաջարկելով: Որևէ բառ ուղղելիս էլ ծրագիրն այն ներկայացնում է միանգամից հոլովված, որպեսզի օգտագործողը հոլովելիս նորից չսխալվի», - ասաց Մերի Պապյանը: Նրա խոսքով ծրագիրն օգտագործում են Նախագահի աշխատակազմը, նախարարությունները, դեսպանատները: Armenian PowerSpell 2012 –ի նախաձեռնողները նախատեսում են նման ծրագիր ստեղծել նաև արևմտահայերեն տեքստերի համար: «Լեզվաբաններ ու ծրագրավորներ ունենք, խնդիրը ֆինանսական է», - ասաց ծրագրի կոորդինատորը: Մեկ համակարգչի համար ծրագրի տարեկան արժեքը 15.000 դրամ է, իսկ հաջորդող տարեկան լիցենզիան արժե արդեն 11.000 դրամ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |