«Ժառանգություն». ՀՀ քաղաքացիներին զրկում են ընտրական իրավունքից28 նոյեմբերի 2012 - 17:55 AMT PanARMENIAN.Net - Այսօր ՀՀ Ազգային ժողովի Պետական-իրավական հարցերի մշտական հանձնաժողովի նիստի օրակարգում քննարկվել է «Ժառանգություն» խմբակցության ներկայացրած «Հայաստանի Հանրապետության ընտրական օրենսգրքում լրացումներ և փոփոխություն կատարելու մասին» օրենքի նախագիծը: Օրիանգիծը սահմանում է, որ «ՀՀ համապետական ընտրությունների ժամանակ` քվեարկության օրը, Հայաստանի Հանրապետության տարածքից դուրս գտնող ՀՀ քաղաքացիները կունենան հնարավորություն իրացնել իրենց պատկանող ընտրական իրավունքը»: Ինչպես PanARMENIAN.Net ին հայտնում են «Ժառանգության» մամուլի ծառայությունից, նախագծի քննարկման ընթացքում հիմնական զեկույցով հանդես է եկել «Ժառանգություն» խմբակցության պատգամավոր Զարուհի Փոստանջյանը: Նա նշել է, որ ՀՀ սահմաններից դուրս գտնվող Հայաստանի քաղաքացիները երկրի սահմաններում գտնվող ՀՀ քաղաքացիների հետ հավասար ունեն և պետք է ունենան ընտրելու՝ օրենքով ամրագրված հնարավորություն, որի իրականացման մեխանիզմները պետք է սահմանված լինեն օրենսդրությամբ, իսկ դրանց գործնական իրականացումը պետք է ապահովվի պետական մարմինների գործունեությամբ: «Սակայն իշխող կոալիցիայի ներկայացուցիչները ՀՀ քաղաքացու սահմանադրական հիմնարար իրավունքի կոպիտ խախտումը չցանկացան վերացնել: Օտար երկրներում բնակվող ՀՀ քաղաքացիների թիվը կազմում է շուրջ մեկ միլիոն, վերջիններս փաստացի զրկված են մասնակցելու Հայաստանի Հանրապետության կառավարմանը: Այսօր ևս մեկ անգամ ՀՀ Ազգային Ժողովը վկայեց, որ Հայաստանի Հանրապետությունում իշխանությունը լիարժեք չի պատկանում մեր ժողովրդին: Տեղի ունեցած քվեարկությամբ նախագիծը չստացավ հանձնաժողովի դրական եզրակացությունը»,- ասված է կուսակցության տարածած հայտարարության մեջ: Հայտնի է, որ օրինագծին «Դեմ» են քվեարկել Լևոն Մարտիրոսյանը(ՀՀԿ), Կարեն Ճշմարիտյանը(ՀՀԿ), Դավիթ Հարությունյանը(ՀՀԿ) Հովհաննես Մարգարյանը(ՕԵԿ), և «կողմ»՝ Զարուհի Փոստանջյանը(Ժառանգություն), Գագիկ Ջհանգիրյանը(ՀԱԿ), Արծվիկ Մինասյանը(ՀՅԴ): Տիգրան Ուրիխանյանը(ԲՀԿ) և Էդմոն Մարուքյանը(անկախ պատգամավոր) բացակայում էին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանը Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար |