Րաֆֆի Հովհաննիսյան. Փետրվարի 18-ից մինչև վաղվա արշալույսը կրակը վառ ենք պահել և պահելու ենք 9 ապրիլի 2013 - 13:17 AMT PanARMENIAN.Net - Կարեն Դեմիրճյանի անվան մարզահամերգային համալիրում վերընտրված նախագահ Սերժ Սարգսյանի երդմնակալության արարողությունից հետո Երևանում մեկնարկեց մեկ այլ երդմնակալության արարողություն` այս անգամ Ազատության հրապարակում «Նոր Հայաստանի» համար երդվում է Րաֆֆի Հովհաննիսյանը: Նա սկզբում երգեց Հայաստանի հիմնը, ապա ՀՀ դրոշը տարավ հրապարակի կենտրոն և ժողովրդի մոտ դրեց: «Ոչ կեղծ երդումներին, ոչ կեղծ նախագահներին, ոչ կեղծ վեհափառներին, կեցցե Հայաստանի Հանրապետությունը»,- հայտարարեց Րաֆֆի Հովհաննիսյանը: Նա ասաց, որ կեղծ երդում չի տալու: «Ով համալիրում Աստվածաշնչի, Սահմանադրության վրա երդվեց, թող մտածի: Աստված մեզ պահապան, սակայն ժողովորդը հաղթել է: Կեցցե հայ ժողովուրդը: Րաֆֆի Հովհաննիսյանը ժողովրդին ասաց, որ բացեն իրենց բաժանված Սահմանադրությունը և կարդան, որ իշխանությունը պատկանում է ժողովրդին: Նա կոչ արեց եկեղեցուն և պետությանը դարձի գալ. «Վեհափառը, Սարգսյանն` իրենց մանկլավիկներով, հավաքվել էին, սակայն Աստված այսօր մեզ ժամադրել է այստեղ` Ազատության հրապարակում: Այսօր Աստվածը հրապարակում բացում է իր տիեզերքը»,- ասաց Հովհաննիսյանը և նշեց, որ Հայաստանի արշալույսը բացվելու է ապրիլի 10-ի առավոտյան: «Հայ ժողովրդի լույսը կռվեց խավարի դեմ: Հայ ժողովրդի ճրագը չի պարտվել, չի մարել, քանի որ այն հրդեհ է: Փետրվարի 18-ից մինչև վաղվա արշալույսը կրակը վառ ենք պահել և պահելու ենք»,- հայտարարեց «Ժառանգություն» կուսակցության առաջնորդը: Րաֆֆի Հովհաննիսյանը հայտարարեց, որ Սերժ Սարգսյանն այսօր հեռանում է: Նա նշեց, որ իշխանությունները ժողովրդի տերը չեն և ոչ էլ ժողովուրդն է նրանց ստրուկը: «Սերժ Սարգսյան, Վեհափառ, կամ ժամը վեցին միացեք ժողովրդին Ազատության հրապարակում, կամ դեսպանների հետ խմած կենացը կլինի վերջինը: Աստված գալիս է: Րաֆֆին ոչինչ չի անելու, մենք միասին ենք անելու: Թքած Րաֆֆիի, Սերժ վրա: Այսօր հայրենիքն է գալիս իշխանության»,- հայտարարեց նա: Րաֆֆի Հովհաննիսյանը հավաստիացրեց, որ երբեք չի լքելու ժողովրդին, մինչև վերջին շունչը կլինի նրանց հետ, նրանց հավատարիմ. «Ձեզ համար կկռվեմ, արյունս կտամ, միայն թե տեսնենք հայրենիքը մեր ազատ»:   Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
