ԹԻՀԿ. Հանձնաժողովների նախագահները հրաժարվում են արձանագրել խախտումները 5 մայիսի 2013 - 20:58 AMT PanARMENIAN.Net - «Թրանսփարենսի ինթերնեյշնլ հակակոռուպցիոն կենտրոնի» 134 դիտորդները վերջին տվյալներն են հաղորդում գրանցված միջադեպերի և խախտումների մասին: 08/28 տեղամասում (Ախպարաշեն, № 91 դպրոց) դիտորդին արգելել են ազատ տեղաշարժվել ընտրատեղամասում: Հանձնաժողովի նախագահ` Սամվել Խանյան` ՀՀԿ: Այս մասին Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը 09:59-ին էլեկտրոնային բողոք է ուղարկել ՀՀ ԿԸՀ նախագահին: 12/08 տեղամասում (31 դպրոց), քվեասենյակից 10-15 մետր հեռավորության վրա ընտրողները անթաքույց վիճաբանել են՝ խոստացված և չտրված գումարի շուրջ: 07/31 տեղամասում (№ 6 ուսումնարան), քվեարկության խցերից ընտրողները դուրս են եկել` առանց քվեաթերթիկը ծրարի մեջ դնելու: Հանձնաժողովի նախագահին զգուշացնելուց հետո, խախտումը վերացվել է: 12/11 տեղամասում` 140 դպրոց` Նորագավիթ, դիտորդ Անի Չատինյանին չէին թողնում մտնել ընտրատեղամաս: 08/04 տեղամասում (№ 116 դպրոց, Արարատյան զանգ), միաժամանակ գտնվել են ՀՀԿ երկու վստահված անձինք: 07/34 տեղամասում (№ 37 մանկապարտեզ, Սիլիկյան թաղ.), ընտրակաշառք են բաժանել: 07/14 տեղամասում (№ 80 նախակրթարան), ՀՀԿ երկու ներկայացուցիչներ միաժամանակ գտնվում են տեղամասում և հրահանգներ են տվել հանձնաժողովի անդամներին: Նախագահը հրաժարվում է գրանցամատյանում արձանագրել այս խախտումը: 13/30 տեղամասում (№107 դպրոց), հանձնաժողովի քարտուղարը հրաժարվում է գրանցել խախտման վերաբերյալ դիտորդի դիտարկումը: 12/22 տեղամասում (№ 142 նախակրթարան), Տնտեսական և սոցիալական իրավունքի կենտրոն ՀԿ-ի տեղական դիտորդը ներկայանում է որպես ՀՀԿ ներկայացուցիչ և վերջինիս շահերի պաշտպան: Հանձնաժողովի նախագահը հրաժարվում է կազմել արձանագրություն: Դիտորդը ձայնագրել է զրույցը: 08/08 տեղամսում (№ 90 դպրոց), տեղի է ունեցել ընտրողների ուղղորդում կամ անօրինական կերպով օժանդակում: 08:39 անձնագրում դրվող կնիքների հետ կապված խնդիրներ են արձանագրվել: 13/25 տեղամասում (Նոր Արեշի № 69 մանկապարտեզ), հանձնաժողովի նախագահը հայտարարել է, որ մոռացել է բերել ծրարների վրա դրվող կնիքը, արդյունքում 36 քվեաթերթիկներ նետվել են քվեաթուփ՝ առանց կնքելու: 07/05 ԶԼՄ ներկայացուցչին փորձել են խոչընդոտել ներկա գտնվել և հետևել քվեարկության ընթացքին: 08:56-ի դրությամբ բազմաթիվ ահազանգեր կան 8, 12 ընտրատարածքների տեղամասերից, որ անձնագրերում դրված կնիքների թանաքը արագ ցնդում է կամ հեշտությամբ սրբվում: 7/23 ընտրատեղամասում անձրագրերում դրվող դրոշմակնիքը չորանալուց հետո անձեռոցիկով մաքրվում է: 13/05 դիտարկվել է ընտրողների կուտակումներ՝ ընտրատեղամասի միջանցքներում: 07/14 ընտրատեղամասում (№ 80 նախակրթարան) 8:00-ի դրությամբ միաժամանակ ներկա են նույն կուսակցության (ՀՀԿ) 3 վստահված անձինք: 7/32 գրանցվել է՝ խմբերով ընտրողների փոխադրում, կուտակումներ տեղամասից դուրս, ընտրողների ուղղորդում: Հանձնաժողովի նախագահը միջոցներ չի ձեռնարկել դրանք վերացնելու ուղղությամբ: 13/36 տեղամասի (Նուբարաշենի № 175 դպրոց) ընտրացուցակներում ընդգրկված են քաղաքացիներ (առնվազն 3 հոգի), որոնց Երևանի գրանցումը սկսվում է 21.02.2013թ: Նշեն, որ Երևանի ավագանու ընտրություններն ավարտվել են: Կենտրոնական ընտրական հանձնաժողովի հրապարակած վերջին տվյալներով` ժամը 17:00-ի դրությամբ ավագանու ընտրությանը մասնակցել է ընտրողների 44,95 տոկոսը կամ 366 982 մարդ: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Երևանի ոստիկանապետ. Սովորական ծառայություն է, մեծաթիվ չէ Ազատության հրապարակ տանող հատվածներում արգելապատնեշներ են դրված, հարակից փողոցները փակ են Խաչատուրյանը և ՎԶԵԲ նախագահը քննարկել են ՀՀ կապիտալի շուկայի զարգացումը, ենթակառուցվածքների ֆինանսավորումը Կողմերը երկուստեք բարձր են գնահատել համատեղ իրականացվող ծրագրերը ԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունը Զախարովա․ Արևմուտքն անդադար խոսում է Վրաստանի ցույցերից՝ անտեսելով ՀՀ–ի ակցիաները Նա խոսել է Հայաստանում ցուցարարների զանգվածային բերման ենթարկելու դեպքերի մասին Արևմուտքի «մեռելային լռության» մասին |