Աբխազիայի հայկական համայնքի խորհուրդը մտահոգված է հայ բնակչության հանդեպ բացասական վերաբերմունքով16 հունվարի 2006 - 14:22 AMT PanARMENIAN.Net - Աբխազիայի Հայ համայնքի խորհրդի նախաձեռնությամբ օրերս տեղի է ունեցել նախագահ Սերգեյ Բագապշի հանդիպումը Խորհրդի համանախագահներ Մարիետտա Թոփչյանի, Գալուստ Տրապիզոնյանի, Խաչիկ Մինոսյանի, համայնքի Սուխումի բաժանմունքի նախագահ Սուրեն Կերեսլյանի, համայնքի անդամներ Երվանդ Միկոսյանի եւ Վաղարշակ Քեսյանի հետ: Հանդիպմանը մասնակցել են ինքնահռչակ հանրապետության խորհրդարանի նախագահ Նուգզար Աշուբան, վարչապետ Ալեքսանդր Անկվաբը, Անվտանգության խորհրդի քարտուղար Ստանիսլավ Լակոբան, Պետական անվտանգության ծառայության նախագահ Յուրի Աշուբան, ներքին գործերի նախարար Օթար Խեցիան: Ինչպես նշել են Համայնքի խորհրդի ներկայացուցիչները, նրանց անհանգստացնում են «բացասական բնույթի որոշ փաստերը հանրապետության հայ բնակչության հանդեպ: Դա վերաբերում է հակահայկական ուղղվածության թռուցիկների տարածմանը, ինչպես նաեւ Սուխումի հայկական միջնակարգ դպրոսի մոտ դիվերսիայի փորձին»: Դիմելով նախագահին, Աբխազիայի Հայ համայնքի խորհրդի համանախագահ Մարիետտա Թոփչյանը նշել է, որ նման փաստեր եղել են նաեւ նախկինում, հետպատերազմյան շրջանի գրեթե ողջ ընթացքում: Նրա խոսքերով, «համայնքը հակված չէ իրավիճակը ողբերգականացնելու, սակայն համայնքը կցանկանար իրազեկ լինել իշխանությունների դիրքորոշմանը այդ հարցում»: Ըստ Բագապշի, «բոլոր փաստերով հարուցվել են քրեական գործեր եւ ընթանում է հետաքննություն»: «Հայկական համայնքը աբխազների եւ մյուս համայնքների հետ միասին կրել է անցած պատերազմի ողջ ծանրությունը, եւ այժմ մենք միասին կառուցում ենք ազատ ժողովրդավարական պետություն»,-հայտարարել է Սերգեյ Բագապշը: Նա նշել է «հայերի կոմպակտ բնակեցման` Լաբրա, Արակիչ, Ատարա-Արմյանսկայա գյուղերի վերականգնմանն ուղղված համալիր միջոցառումները ավարտին հասցնելու» անհրաժեշտությունը: Ըստ վարչապետ Ալեքսանդր Անկվաբայի, «եթե կան խնդիրներ, ապա դրանք պետք է լուծել միասին, պետական կառույցների եւ հասարակական կազմակերպությունների համագործակցությամբ, այլ ոչ թե ուղղակի գրանցել փաստերը: Անարդարացի կլինի մեղադրել կառավարությանը անգործության համար, այն դեպքում, երբ այն լրջորեն զբաղվում է հայկական գյուղերում սոցիալական խնդիրների լուծմամբ, կրթական հաստատությունների վերականգնմամբ»: Անկվաբը համաձայնեց, որ դեռեւս շատ են չլուծված խնդիրները, այդ պատճառով էլ կառավարությունը առաջարկում է հաղթահարել դրանք համայնքի հետ համատեղ: Հանդիպման ավարտին Սերգեյ Բագապշը հաղորդեց նրա մասնակիցներին առաջիկայում Աբխազիայի նախագահին կից Հասարակական պալատ ստեղծելու մտադրության մասին: «Պալատի ստեծման նապատակը ծագող խնդիրների լուծման համար ողջ բազմազգ պետության համար օգտակար եւ ընդունելի որոշումներ գտնելու ձգտումն է»,-ասել է նա, հաղորդում է «Նովոստի-Գրուզիան»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |