Ֆրանսիացի սենատորն առաջին անգամ էր ԼՂՀ-ում. Բնակչությունը մեծ ցանկություն ունի իր հողի վրա խաղաղ ապրելու29 մայիսի 2013 - 18:31 AMT PanARMENIAN.Net - Ֆրանսիա-Արցախ բարեկամական խմբի անդամ, ֆրանսիցի սենատոր Անրի դը Ռենկուրը առաջին անգամ այցելել է Արցախ: Այցից հետո այսօր Հայաստանում Լեռնային Ղարաբաղի Հանրապետության մշտական ներկայացուցչությունում մամուլի ասուլիսի ժամանակ նա հայտնեց, որ երկար ժամանակ է, ինչ հետաքրքրված է այս տարածաշրջանով, առիթ ունեցել է այցելել Ադրբեջան, Վրաստան և Հայաստան: «Առաջին անգամ առիթ ունեցա այցելել ԼՂՀ: Սա բացատրվում է նրանով, որ ես հետաքրքրություն ունեմ տարածաշրջանի բոլոր երկրների նկատմամբ»,- ասաց նա և նշեց, որ ԼՂՀ-ում տեսել է մեծ պատասխանատվություն, որով իրենց աշխատանքին են մոտենում Արցախի ղեկավարները: «Տեսանք թե ինչ մեծ ցանկություն կա բնակչության մոտ ապրել խաղաղ, իրենց հողի և տարածքի վրա: Այսօր այն, ինչը կարևոր է, խաղաղության առաջընթացն է, երկխոսության հաստատումն է հակամարտության բոլոր կողմերի միջև, վերջին տարիներին միջազգային դերակատարների կողմից պատրաստված փասթաթղթերում առկա դրույթների իրականացումն է»,- ասաց սենատորը: Հարցին, թե չի մտահոգվում, որ Արցախ այցելած այլ գործիչների նման իրեն է Ադրբեջանում կհայտարարեն persona non grata, սենատորը պատասխանեց, որ իր մտադրությունները բացասական չեն որևէ երկրի նկատմամբ: «Դա մի սկզբունք է, որ վաղուց որդեգրել եմ դեռ Ֆրանսիայի Համագործակցության նախարարի պաշտոնում լին ելու տարիներից: Ես եկել եմ բարի կամքի դրսևորմամբ, այն ապացուցում է իմ ցանկությունը տեսնել խաղաղության, երկխոսության, հանդուրժողականության, հույսի հաստատումը տարածաշրջանում: Եթե դրանք այլ կերպ են վերլուծում, ափոսոալի է: Վստահ եմ, որ եթե սխալ վերլուծություն կատարվի, ժամանակի ընթացքում կուղղվի: Բազմաթիվ անգամ եղել եմ Ադրբեջանում և ցանկանում եմ վերադառնալ: Սակայն որտեղից էլ լինեն ճնշումները, դրանք չեն կարող մեր մտադրությունների վրա ազդել»,- ասաց Անրի դը Ռենկուրը: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում |