Եգիպտոսի պաշտոնանկ նախագահի դատավարությունը կսկսվի նոյեմբերի 4-ին 9 հոկտեմբերի 2013 - 16:00 AMT PanARMENIAN.Net - Անցած տարվա դեկտեմբերին Կահիրեում ցուցարարների սպանության գործով առաջին դատական լսումը տեղի կունենա նոյեմբերի 4-ին: Այդ գործով անցնում է նաև Եգիպտոսի պաշտոնանկ նախագահ Մոհամմեդ Մուրսին, հայտնում են տեղական ԶԼՄ-ները դատական ատյանների վրա հղումով: Ավելի վաղ դատախազ Հեշամ Բարաքաթը Մուրսիի և «Մահմեդական եղբայրների» 14 անդամների գործն ուղարկել էր Կահիրեի քրեական դատարան: Բոլոր նրանց մեղադրում են բռնությունների ու սպանությունների կոչերի համար, հայտնում է «ՌԻԱ Նովոստի» գործակալությունը: Այս քրեական գործը վերաբերում է Մուրսիի կողմնակիցների ու հակառակորդների բախումներին 2012թ. դեկտեմբերին Կահիրեում նախագահի նստավայրի մոտ: Մինչ այդ նախկին նախագահին մեղադրանք է ներկայացվել կապված 2011 թվականի իրադարձությունների հետ՝ փախուստ բանտից, բանտի վրա հարձակման կազմակերպում, կալանավորների, զինվորների ու ոստիկանների սպանություններ: Մոհամմեդ Մուրսին Եգիպտոսի նախագահ է ընտրվել 2012 թվականին, երբ պաշտոնանկ արվեց Հոսնի Մուբարաքը: Մեկ տարում նա հասցրեց ամբողջությամբ փլուզել տնտեսությունը, և փորձեց շարիաթի օրենքներ հաստատել երկրում: 2013թ. հունիս-հուլիսին երկրի բնակչությունը, որը դժգոհ էր իսլամիստների կառավարումից, մոտ 15 մլն ստորագրություն հավաքեց Մուրսիի պաշտոնանկության օգտին: Հուլիսի 3-ին եգիպտական բանակը տեղեկացրեց Մոհամմեդ Մուրսիին, որ նա այլևս Եգիպտոսի նախագահ չէ: Զինվորականները գնացին դրան Մուրսիին կամավոր հրաժարականի դրդելու անհաջող փորձերից հետո: Օգոստոսի վերջում Եգիպտոսում ձերբակալվեցին «Մահմեդական եղբայրների» առաջնորդներ Մոհամմեդ Բադիան ու Մոհամմեդ Բելտագին: «Մահմեդական եղբայրները» միջազգային կրոնական քաղաքական ասոցիացիա է, որ հիմնվել է 1928թ. ուսուցիչ Հասան ալ Բաննայի կողմից Եգիպտոսի Իսմաիլիի քաղաքում: 1933թ. ի վեր կազմակերպության կենտրոնակայանը տեղափոխվեց Կահիրե: 1949թ. Հասան ալ Բաննայի մահից հետո, 1950թ. շարժման գաղափարախոսը դարձավ գրականագետ Սեյիդ ալ Կուտբը, որը մահապատժի ենթարկվեց 1966 թվականին: Ասոցիացիան բաժանմունքներ ունի Սիրիայում, Պաղեստինում, Իրաքում: Երկրորդ համաշխարհային պատերազմից հետո այն արդեն 500 հազար անդամ ուներ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Քոչարյանի գրասենյակը հերքել է Բագրատ սրբազանի հետ հանդիպման մասին լուրը «Սա հերթական ֆեյքն է իշխանությունների կողմից»,-ասել է Միկոյանը Մարքեթինգային ընկերության հիմնադիրը՝ Կենտրոն վարչական շրջանի ղեկավար Ավելի վաղ Պետոյանը նշանակվել էր քաղաքապետի խորհրդական Արշակյան․ Ճանապարհ փակելով հարց չեն լուծում՝ չի կարելի նման բան անել Արշակյանը կոչով դիմել է սահմանամերձ գյուղերի բնակիչներին՝ վստահեցնելով, թե նրանց թիկունքում ոչինչ չի արվում Բաքվում խոստովանել են՝ Քարին տակը հիմնահատակ ավերել են․ Տեղում միայն մեկ՝ անհասկանալի օբյեկտ է կառուցվում Հրապարակվել են նաև արբանյակային լուսանկարներ |