Քիմզենքի գծով կոնվենցիան պաշտոնապես ուժի մեջ է մտել Սիրիայի համար14 հոկտեմբերի 2013 - 10:44 AMT PanARMENIAN.Net - Քիմիական զենքի արգելման միջազգային կոնվենցիան հոկտեմբերի 14-ին պաշտոնապես ուժի մեջ մտավ Սիրիայի համար: Կոնվենցիային Սիրիայի միանալու գործընթացն իրավաբանորեն ավարտվեց, ըստ կանոնակարգի, հայտը ներկայացնելուց 30 օր անց: Հայտը ներկայացվել էր սեպտեմբերի 14-ին: Սիրիայի կառավարությունն արդեն սկսել է ՄԱԿ-ի հետ քիմիական զենքի ոչնչացման շուրջ գործակցությունը: Այժմ Սիրիայում է Քիմիական զենքի արգելման կազմակերպության համատեղ առաքելության 60-հոգանոց խումբը: Անցած շաբաթ ՄԱԿ ԱԽ-ն հավանություն էր տվել գլխավոր քարտուղարի առաջարկությանն այդ առաքելության ստեղծման մասին, որի քանակը կարող է հասնել 100-ի: Առաքելության անդամները պետք է ապահովեն Սիրիայում քիմիական զենքի լիակատար ոչնչացումը, սակայն, ինչպես խոստովանում են ՄԱԿ-ում, դա բավարար չի լինի երկրում հակամարտությունը դադարեցնելու համար, հայտնում է «ՌԻԱ Նովոստին»: Այդ առթիվ ՌԴ ԱԳՆ ղեկավար Սերգեյ Լավրովը հայտարարել էր. «Բոլոր նրանց, ով ցանկանում է ձախողել քիմիական զինաթափման գործընթացը, ցանկանում եմ հիշեցնել, որ թիվ 2118 բանաձևը պատասխանատվությունը դնում է ոչ միայն Սիրիայի կառավարության, այլև բոլոր մյուս սիրիական կողմերի վրա, այսինքն՝ ամբողջ ընդդիմության, ինչպես նաև այլ երկրների, առաջին հերթին՝ Սիրիայի հարևանների, որոնց արգելված է օգտագործել իրենց տարածքը քիմիական զենքի հետ ինչ-որ խաղերի համար»: Սիրիայում արդեն երկու տարուց ավելի է շարունակվում են կառավարական ուժերի բախումները զինված ընդդիմության հետ: Ըստ ՄԱԿ տվյալների, Սիրիայում հակամարտության զոհերի ընդհանուր թիվը հասնում է 150 հազարի: Սիրիական իշխանությունները հայտարարում են, որ իրենց դիմակայում են լավ զինված գրոհայիններ: ՄԱԿ ԱԽ-ն միաձայն հավանություն է տվել Սիրիայում քիմիական զենքի ոչնչացման վերաբերյալ բանաձևին: Բանաձևը բացառում է ուժի կիրառումը Սիրիայում և ընդհանրապես 7-րդ հոդվածի ցանկացած կիրառում: ՄԱԿ ԱԽ նիստին մասնակցել է նաև ՌԴ ԱԳ նախարար Սերգեյ Լավրովը: ՄԱԿ կանոնադրության 7-րդ հոդվածը կոչվում է «Գործողությունները խաղաղության սպառնալիքի, խաղաղության խախտման և ագրեսիայի ակտերի դեպքում», որով նախատեսվում է պատժամիջոցների կիրառում ԱԽ որոշմամբ, ինչպես նաև զինված ուժերի կիրառում «միջազգային խաղաղության և անվտանգության պահպանման կամ վերականգնման համար»: Նախօրեին Սիրիայի հիմնական ընդդիմադիր ուժը՝ Սիրիայի ազգային խորհուրդը հայտարարել է, որ չի պատրաստվում մասնակցել «Ժնև-2» բանակցություններին: Ժնևի խորհրդակցությունը պետք է կայանա հոկտեմբերի վերջում: Խորհրդաժողովի համակազմակերպիչներն են ՌԴ ԱԳ նախարար Սերգեյ Լավրովն ու ԱՄՆ պետքարտուղար Ջոն Քերին: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |