  Եվրամիությունը հետաքրքրված է Հայաստանի ԱԷԿ-ի փակման մեջ20 ապրիլի 2006 - 17:18 AMT PanARMENIAN.Net - Եվրամիությունը հետաքրքրված է Հայաստանի ԱԷԿ-ի փակման մեջ, որը չի համապատասխանում անվտանգության միջազգային չափանիշերին: Այդ մասին Երեւանում կայացած մամլո ասուլիսի ժամանակ հայտարարել է Ավստրիայի ԱԳՆ պետքարտուղար Հանս Վինկլերը: Նրա խոսքերով, ԱԷԿ-ը տեխնիկապես հնացել է, սակայն նոր ԱԷԿ-ի կառուցման անհրաժեշտության քննարկումը ԵՄ-ի իրավասության մեջ չի մտնում:«Եվրամիությունը ընդունում է, որ տվյալ հարցերը հանդիսանում են յուրաքանչյուր երկրի սուվերեն իրավունքը: Բայց մենք պատրաստ ենք համագործակցել Հայաստանի հետ էներգետիկայի եւ էներգետիկ անվտանգության հարցերում: Մյուս կողմից, ԵՄ-ը հարգում է յուրաքանչյուր երկրի սուվերեն իրավունքը. նտրել էներգիայի այն տեսակը, որը առավել պատասխանում է նրա հնարավորություններին եւ շահերին»,- ասել է Հանս Վինկլերը: Ավստրիայի ԱԳՆ պետքարտուղարը հրաժարվեց մեկնաբանել Հայաստանի եւ Ռուսաստանի համաձայնագիրը Հրազդան ՋԷԿ-ի հինգերորդ էներգաբլոկի ռուսական սեփականություն հանձնելու վերաբերյալ: «ԵՄ-ն չի խառնվում ազգային մակարդակի վրա ընդունված որոշումներին»,- նշել է նա: Ինչ վերաբերում է Իրան-Հայաստան գազամուղին, ապա, Հայաստանի արտգործնախարար Վարդան Օսկանյանի խոսքերով, նա չգիտի, «Իրան-Հայաստան գազամուղը հանձնվելու է Ռուսաստանին, թե` ոչ»: «Ես ենթադրում եմ, որ բանակցությունները տարվում են այն հարցերի շուրջ, թե ով է կառուցելու գազամուղը եւ ով է ֆինանսավորելու այդ կառուցումը: Քանի որ ես չեմ մասնակցում այդ բանակցություններին, ապա չգիտեմ մանրամասները»,- նշել է Հայաստանի արտաքին քաղաքականության գերատեսչության ղեկավարը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Բաժիններ թեմայով Սյուժե Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
