Պաշտոնական Դամասկոսն ու ընդդիմությունը համաձայնության չեն եկել ահաբեկչության դեմ պայքարի հարցում31 հունվարի 2014 - 12:18 AMT PanARMENIAN.Net - Սիրիայի պաշտոնական պատվիրակությունը «Ժնև-2» խորհրդաժողովում ահաբեկչության դեմ պայքարի մասին հայտարարության նախագիծ է ներկայացրել: Սակայն այսպես կոչված «ընդդիմադիր կոալիցիայի» պատվիրակությունը մերժել է այն: Ներկայացված հայտարարության մեջ Սիրիան հիշեցնում է, որ ՄԱԿ ԱԽ 2001 թվականի համար 1373 բանաձևը և 1999 թվականի 1267 բանաձևը մատնանշում են ահաբեկչության դեմ պայքարում միջազգային համագործակցության անհրաժեշտությունը և դիմակայումը բոլոր հնարավոր միջոցներով, քանի որ դա սպառնալիք է միջազգային խաղաղության ու անվտանգության համար: Բանաձևերը ենթադրում են, որ անթույլատրելի է ուղիղ կամ անուղղակի աջակցությունը կազմակերպություններին ու ֆիզիկական անձանց, որոնք մասնակցում են ահաբեկչական գործողություններին, նրանց ֆինանսավորում են ու ապաստան տրամադրում: Հայտարարության մեջ կարևորվում է ահաբեկչության խմբավորումներին դիմակայելն ու նրանց վերացնելը: Դրա համար անհրաժեշտ է կողմերի համագործակցությունը հանուն խաղաղության ու անվտանգության: Հարկավոր է նաև դադարեցնել ահաբեկիչների ֆինանսավորումը, զինումը, ուսուցումն ու աջակցությունը Սիրիայի տարածք ներթափանցելու գործում: Սիրիայի պատվիրակությունը կոչ է արել աշխարհի բոլոր երկրներին նպաստել դրան: Այդ թվում, կարևոր է ահաբեկչության հրահրման դադարեցումը, կրոնական ծայրահեղականության դրսևորումները, հայտնում է սիրիական SANA գործակալությունը: Հայտարարության նախագծում ասվում է. «Կողմերն ընդգծում են իրենց հավատարմությունը Սիրիայի Արաբական Հանրապետությանը, նրա անկախությանն ու տարածքային ամբողջականությանը: Մերժվում են միջամտության բոլոր ձևերը: Ահաբեկչական կազմակերպությունների դեմ պայքարը ընդհանուր նպատակ է ու յուրաքանչյուր սիրիացու պարտականությունը»: Սիրիան առաջարկել է բոլոր կողմերին պարտավորություններ ստանձնել ահաբեկչության դեմ պայքարում Սիրիայի ամբողջ տարածքում ու մեխանիզմներ մշակել դրա համար: Բոլոր պետությունները պետք է կատարեն իրենց միջազգային պարտավորությունները, դադարեցնեն ահաբեկչական կազմակերպությունների ֆինանսավորումը, արգելեն իրենց տարածքներում գտնվող քաղաքացիներին անդամագրել ու ֆինանսավորել ահաբեկիչներին: Կարևոր է նաև դադարեցնել ահաբեկչության հրահրումն ու նրա գործողությունների արդարացումը ԶԼՄ-ների միջոցով: Սիրիայի բոլոր հարևան երկրները պետք է արդյունավետ կերպով վերահսկեն իրենց սահմանները, դադարեցնելու համար ահաբեկիչների ու զենքի հոսքը Սիրիա: Սիրիայի պատվիրակությունը հայտարարել է, որ այս փաստաթղթի մերժումը «ընդդիմադիր կոալիցիայի» կողմից ապացուցում է, որ վերջինս սատարում է ահաբեկիչներին: «Կոալիցիայի» դիրքորոշումը դեմ է սիրիական ժողովրդի շահերին և սպառնում է նրա անվտանգությանը: Նախօրեին Սիրիայում ՄԱԿ հատուկ դեսպանորդ Լահդար Բրահիմին հաստատեց, որ համաձայնություն կա Սիրիայի կառավարության ու ընդդիմության միջև առ այն, որ գոյություն ունի ահաբեկչությունը, ինչը մեծ խնդիր է: Սակայն այդ հանգամանքին վերաբերմունքի առումով պայմանավորվածություն չի ձեռք բերվել: Նա նշել է նաև, որ այս բանակցությունները լոկ սկիզբն էին՝ կողմերը հայտնեցին իրենց կարծիքները, իրենց ցանկություններն ու մտավախությունները: Շփումները նրանց միջև պետք է շարունակվեն: 2011 թ. մարտին սկսված հակամարտության ընթացքում Սիրիայում զոհվել է շուրջ 125 հազար մարդ, մոտ 4,2 միլիոնը փախստական են դարձել սիրիական տարածքում, երկու միլիոն մարդ փախել է հարևան երկրներ: Փախստականների ընդունման հիմնական բեռն ընկել է Հորդանանի, Իրաքի, Լիբանանի ու Թուրքիայի վրա: Սիրիայի բնակչության ընդհանուր քանակը մինչ պատերազմը կազմում էր 20 միլիոն: Սիրիական կարգավորման «Ժնև-2» միջազգային խորհրդաժողովը կանցնի երկու փուլով: Այն կմեկնարկի հունվարի 22-ին շվեյցարական Մոնտրյո քաղաքում, իսկ հետո հունվարի 24-ին կշարունակվի Ժնևի Ազգերի պալատում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |