Լիտվան կաջակցի Հայաստանին Եվրոպական հարեւանության քաղաքականության շրջանակներում25 ապրիլի 2006 - 19:08 AMT PanARMENIAN.Net - Բանակցությունները Լիտվայի նախագահի հետ արդյունավետ էին, քննարկվեց փոխադարձ հետաքրքրություն ներկայացնող հարցերի շրջանակ, մասնավորապես, Հայաստանի եւ Լիտվայի միջեւ երկկողմ հարաբերությունների ներկայիս վիճակը, գործակցությունը տարբեր ոլորտներում, ներառյալ Եվրոպական հարեւանության քաղաքականությունը: Այդ մասին Լիտավյի նախագահ Վալդաս Ադամկուսի հետ համատեղ մամլո ասուլիսում հայտարարեց Հայաստանի նախագահ Ռոբերտ Քոչարյանը: «Մենք երախտապարտ ենք Լիտվային Եվրոպական հարեւանության քաղաքականության շրջանակներում քաղաքական բարեփոխումների իրականացման գործում օգնության եւ աջակցության համար»,-ասել է Ռ.Քոչարյանը: Նրա խոսքերով, բանակցությունների ընթացքում պայմանավորվածություն է ձեռք բերվել համատեղ գործարար համաժողովներ անցկացնելու մասին, որոնց ժամանակ կորոշվեն տնտեսական կապերի զարգացման գերակայությունները: «Բանակցությունների ժամանակ մենք քննարկել ենք համագործակցությունը գյուղատնտեսության, պարենային ապրանքների անվտանգության, ուսանողների եւ մասնագետների փոխանակման ոլորտներում»,-նշել է նախագահը: Իր հերթին, Լիտվայի նախագահ Վալդաս Ադամկուսը նշեց, որ անցած բանակցությունները կառուցողական էին: «Մենք պարտավոր ենք աջակցել Հայաստանին Եվրոպական հարեւանության քաղաքականության շրջանակներում: Ժամանակն է խոսել Հարավային Կովկասի եւ Բալթիայի երկրների տարածաշրջանային համագործակցության մասին: Ես կարծում եմ, որ դա շուտով իրականություն կդառնա»,-ասել է Լիտվայի նախագահը: Նրա խոսքերով, ժողովուրդները պետք է ավելի շատ շփվեն, իրար ավելի լավ հասկանալու համար: «Առանց ուսանողների փոխանակման, առանց անձնական շփումների դժվար է հասկանալ միմյանց»,-ընդգծել է Ադամկուսը: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |