Ա. Մարգարյան. Ջավախքում նոր աշխատատեղերի ստեղծումը առաջնային խնդիր է 1 մայիսի 2006 - 17:00 AMT PanARMENIAN.Net - Վրաստանի հայաբնակ Սամցխե-Ջավախք շրջանի հարցում Հայաստանի Հանրապետական կուսակցությունը բազմիցս ներկայացրել է իր դիրքորոշումը: Այդ մասին Հայաստանի վարչապետ Անդրանիկ Մարգարյանը հայտարարել է իր գլխավորած ՀՀ Հանրապետական կուսակցության ինտերնետ կայքում տեղակայված հարցազրույցում: Առաջին հերթին, նշել է նա, հարկավոր է Ջավախքում այնպիսի սոցիալ-տնտեսական պայմաններ ապահովել, որպեսզի այն չհայաթափվի: «Պետք է նշել, որ ներկայիս ծանր սոցիալական պայմանները վերաբերում են ոչ միայն Ջավախքին, այլեւ ամբողջ Վրաստանին, սակայն Վրացական իշխանությունների հետ բոլոր հանդիպումների ժամանակ մենք շեշտում ենք այս խնդիրը եւ պահանջում Ջավախքի նկատմամբ առանձնահատուկ վերաբերմունք»,- հայտարարել է Անդրանիկ Մարգարյանը: Նրա խոսքերով, Հայաստանը իր պատրաստակամությունն է հայտնել գործուն աջակցություն ցուցաբերել Ջավախքում իրականացվելիք սոցիալ-տնտեսական զարգացման ծրագրերին: «Ցավոք սրտի, վրացական կողմը մինչ այժմ խոստումներից բացի որեւէ քայլ չի ձեռնարկել: Չնայած, որ Ջավախքի ճանապարհների վերականգնման աշխատանքները ներառված են հազարամյակի մարտահրավերների ծրագրում, որը կիրականացվի մոտակա երկու տարիների ընթացքում, մեզ այնտեղ հարկավոր է ստեղծել նոր աշխատատեղեր, ստեղծել տնտեսական ենթակառուցվածքներ: Աշխատատեղերի ստեղծումը ավելի առաջնային է` կապված ռուսական ռազմակայանների դուրս բերման հետ, քանի որ բազմաթիվ հայեր աշխատում են այդ ռազմակայաններում եւ վերջիններիս դուրսբերման պարագայում բնականաբար զրկվելու են աշխատանքից»,- նշել է ՀՀ վարչապետը: Նրա խոսքերով, ներկայումս քաղաքական խնդիրների եւ քաղաքական պահանջների ներկայացման ժամանակը չէ, սակայն եթե Վրաստանում քննարկման դրվի այնպիսի սահմանադրության կամ օրենքի նախագիծ, որով նախատեսվում է դաշնային պետության մոդել, ապա այդ դեպքում իհարկե պետք է հաշվի առնվի նաեւ Ջավախքի հարցը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչական ղեկավար․ Կիրանցի 3 խոցելի կետի սահմանազատման հարցը սառեցված է «Նույնիսկ իրենց հողից մեզ է անցել, այս պահի դրությամբ՝ լրիվ դրական է»,- նշել է նա Team-ի նոր առաջարկը․ YouTube, Netflix և այլ թոփ հավելվածներ՝ անսահմանափակ Փաթեթի ամսական վճարը կազմում է 4000 դրամ |