Քննությունն ավարտված է. Զեյնալովը շարունակում է խոսել ինքնապաշտպանության մասին 7 մայիսի 2014 - 12:50 AMT PanARMENIAN.Net - ՌԴ Քննչական կոմիտեն ավարտել է 2013 թվականի հոկտեմբերին մոսկովյան Բիրյուլովո թաղամասում տեղի ունեցած 25-ամյա Եգոր Շչերբակովի սպանության գործը, գրում է «Կոմերսանտը»: Գործով մեղադրյալն ադրբեջանցի Օրհան Զեյնալովն է: Այդ հանցագործությունը Բիրյուլովոյի բնակիչների չարտոնված հավաքի պատճառ դարձավ, որը վերաճեց տեղի առևտրի կենտրոնի ու բանջարեղենի բազայի վրա հարձակման, որտեղ աշխատում էին Միջին Ասիայից եկած միգրանտներ ու կովկասցիներ: Հոկտեմբերի լույս 10-ի գիշերը Մոսկվայի Արևմտյան Բիրյուլովո թաղամասում անհայտ անձը դանակահարել էր երիտասարդին և փախուստի դիմել: Ավելի ուշ քննությունը պարզեց, որ անհայտն Ադրբեջանի քաղաքացի Օրհան Զեյնալովն է, որը վիրավորել էր աղջկան: Տղամարդկանց միջև լեզվակռիվ է սկսվել, որը հետո վերաճել է ծեծկռտուքի, իսկ Շչերբակովը դանակահարվել էր: Ավելի ուշ այդ հանցագործության կասկածանքով բերման ենթարկվեց և ձերբակալվեց Օրհան Զեյնալովը: Հանցագործությունը մեծ աղմուկ հանեց, ինչը հանգեցրեց անկարգությունների և միգրանտների ստուգումների Մոսկվայում: Արձագանքը, որ ունեցավ հանցագործությունը, դրդեց իրավապահներին կրկնակի եռանդով որոնել Եգոր Շչերբակովին սպանողին: Սպանության հաջորդ օրը Շչերբակովի ընկերուհու ցուցմունքների ու Զեյնալովի բնակվելու վայրի՝ շենքի մուտքի տեսագրման խցիկի տեսանյութի հիման վրա, կազմվեց հանցագործի ֆոտոռոբոտը: Նրան ցույց տվեցին հեռուստատեսությամբ, իսկ բնակարանի տերը, որտեղ սենյակ էր վարձակալում Զեյնալովը, հասկանալով, որ նրան են որոնում, հայտնեց ոստիկանությանը: Սակայն, Զեյնալովը հասցրել էր մեկնել Ռյազան ու թաքնվել հարազատների մոտ: Հետախուզմանը միացան Դաշնային Անվտանգության ծառայության մոսկովյան վարչության աշխատակիցները, որոնք որոնումներում ներգրավեցին ադրբեջանական համայնքը: Զեյնալովը, իմանալով, որ իր գտնվելու վայրը հայտնաբերվել է, տեղափոխվեց մերձմոսկովյան Կոլոմնա, որտեղ էլ նրան ձերբակալեցին ու ռազմական ուղղաթիռով բերման ենթարկեցին Մոսկվա: Զեյնալովին մեղադրանք ներկայացվեց ՌԴ ՔՕ 105 հոդվածի 2 մասով՝ «Սպանություն խուլիգանական դրդապատճառներով»: Սկզբում նա խոստովանական ցուցմունքներ տվեց, իսկ հետո հայտարարեց, թե ինքն է դարձել հարձակման զոհ ու պաշտպանվել է: Որոշ տվյալներով, այժմ էլ Զեյնալովը այդ վարկածն է առաջ քաշում: Քննության ընթացքում հայտնի դարձավ, որ դեռ 2011 թվականին նա 1 տարվա ազատազրկման էր դատապարտվել երթևեկության կանոնները խախտելու ու տրանսպորտային միջոցներ շահագործելու համար, որի հետևանքով մարդու առողջությանը ծանր վնաս է հասցնել՝ ՌԴ ՔՕ 264 հոդվածով: Ինչպես պարզեց դատարանը, լինելով «Գազել» մակնիշի բեռնատարի ղեկին, Զեյնալովը վրաերթի է ենթարկել մոտոցիկլիստի, որը հաշմանդամ է դարձել: Ըստ իրավապահ մարմինների պաշտոնական ներկայացուցիչ Վլադիմիր Մարկինի, «քննիչներն ամբողջությամբ վերականգնել են սպանության պատկերը»: Մասնավորապես, հաստատվել է, որ դանակի հարվածներից բացի, մեղադրյալը «Շչերբակովին առնվազն 20 հարված է հասցրել ձեռքերով»: Քննիչները նաև պարզել են, որ Շչերբակովը, «մտադիր լինելով վերջ տալ վիճաբանությանը, հեռացել է Զեյնալովից, սակայն վերջինս հանել է դանակն ու կրկին հարձակվել տուժածի վրա»: Ըստ Մարկինի, «Զեյնալովն ու նրա պաշտպանը ծանոթացել են քրեական գործի նյութերին և առաջիկայում դրանք կներկայացվեն մեղադրական եզրակացության հաստատման համար, որից հետո այն կուղարկվի դատարան»: Մեղադրյալի փաստաբան Վիկտոր Անիկուշկինը լրագրողների հետ չի շփվել: Photo: RIA Novosti Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |