Թուրքիայի վարչապետը հորդորում է երիտասարդներին չնշել Գեզիի և Թաքսիմի բողոքների տարելիցը31 մայիսի 2014 - 10:54 AMT PanARMENIAN.Net - Թուրքիայի վարչապետ Ռեջեփ Թայիփ Էրդողանը կոչ է արել երիտասարդ թուրքերին չնշել բողոքի զանգվածային ցույցերի տարելիցը Թաքսիմ հրապարակում: Նա ելույթ է ունեցել ցույցերի նախօրեին, որոնք կայանալու են շաբաթ օրը: Հրապարակի շուրջ արդեն կենտրոնացած են ոստիկանության պարեկախմբերը, հատուկ տեխնիկա է տեղակայված, այդ թվում նաև ջրանետ մեքենաներ: Գեզի զբոսայգու վերակառուցման ծրագրերի հետ կապված բողոքներն անցյալ տարի վերաճեցին զանգվածային հակակառավարական ցույցերի, իսկ հետո ոստիկանության հետ բախումների: Անկարգությունների արդյունքում մի քանի մարդ զոհվեց, մոտ հազար հոգի վիրավորվեցին: Անցած ուրբաթ մահացավ 64-ամյա մի կին, որը կոմայի մեջ էր ընկել դեկտեմբերին բողոքի ցույցերի ժամանակ արցունքաբեր գազով թունավորումից: Ակցիաների գլխավոր կազմակերպիչն է «Թաքսիմ համերաշխություն» շարժումը, որը կոչ է արել կիրակի օրը նշել բողոքների տարելիցը մեծ հանրահավաքով: Ինչպես ակնկալվում է, բողոքներ տեղի կունենան շատ քաղաքներում, այդ թվում նաև մայրաքաղաք Անկարայում: Դիմելով երիտասարդներին՝ Էրդողանն ասել է. «Մեկ տարի անց, մարդիկ, այդ թվում այսպես կոչված նկարիչները, կոչ են անում ցույցի դուրս գալ, բայց դու, թուրք երիտասարդություն, դու չես արձագանքի այդ կոչերին»: Ելույթ ունենալով մի խումբ երիտասարդների առջև ուրբաթ օրը՝ վարչապետը շարժումն անվանել է «ահաբեկչական կազմակերպություն», որն «օգտվելով երիտասարդների բարոյական ու ֆինանսական թուլությունից, փորձեց հարված հասցնել միասնությանն ու սպառնալիքի տակ դնել տնտեսությունը»: Ինչպես ակնկալվում է, կառավարությունն անվտանգության լուրջ միջոցներ կձեռնարկի, թեև ամբողջությամբ չի փակի Թաքսիմ հրապարակը, ինչպես դա արվեց մայիսի 1-ին, հայտնում է ВВС-ին: Բողոքի ցույցերը Թուրքիայում սկսվեցին 2013 թ. մայիսին, երբ կառավարությունը ցանկանում էր քանդել Գեզի այգին ու այդ վայրում առևտրի համալիր կառուցել: Ամառային ակցիաների հետևանքով 5 մարդ զոհվեց, մի քանի հազար մարդ վիրավորվեց ու ձերբակալվեց: Ոստիկանությունը ցուցարարների դեմ մահակներ ու արցունքաբեր գազ կիրառեց: Photo:AP Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |