Միջազգային հանրությունը, ամենայն հավանականությունը, պատրաստվում է «չճանաչվածների» ճանաչմանը13 հունիսի 2006 - 19:17 AMT PanARMENIAN.Net - Միջազգային փորձագիտական հանրության միջնորդությամբ, առանձին քաղաքական գործիչների հայտարարությունների միջոցով կարծես նոր միջավայր է ձեւավորվում, որտեղ չճանաչված պետությունների ճանաչումը ընդունելի է դառնում: Այդ մասին հայտարարել է ԼՂՀ նախագահի արտաքին քաղաքականության հարցերով խորհրդական Արման Մելիքյանը: Նրա խոսքերով, այսօր միջազգային հանրությունը, ամենայն հավանականությունը, պատրաստվում է «չճանաչվածների» ճանաչմանը:«Պատք չէ մտածել, որ այդ ճանաչումը անպայման կվերաբերվի հետխորհդային տարածքի բոլոր չճանաչված սուբյեկտներին: Նրանց առումով տարբեր մոտեցումներ են մշակվում: Մերձդնեստրի դեպքում, կարելի է ենթադրել, որ Միացյալ Նահանգներում կա որոշակի խմբավորում, որը շահագրռված է դրա ճանաչման հարցում: Սակայն բացառված չէ, որ այդ առումով որոշակի համաձայնություններ կան G8-ի կամ ԱՄՆ-ի ու Ռուսաստանի մակարդակներով: Միշտ չէ, որ համանմանությունները օգնում են մեր շահերին: Մենք պետք է հաշվի առնենք, որ նաեւ տարբերություններ կան, որոնք կարող են որոշիչ լինեն: Այդ պատճառով մենք չպետք է հանգստանանք, այլ պետք է շարունակենք աշխատանքը մեր նպատակներին հասնելու համար»,- նշել է նա: ԼՂՀ նախագահի խորհրդականը նաեւ նկատեց, որ ամեն դեպքում պետությունը կարող է ճանաչվել մեկ չափանիշով. սեփական գործունակությամբ. «Մենք առաջին հերթին պետք է ելնենք սեփական ներուժից: Լեռնային Ղարբաղում անկախ պետություն է ստեղծվել, կառուցվում է ժողովրդավարական ,բաց հասարակություն: Մենք շատ բարդ ուղի ենք անցել: Խորհդային Ադրբեջանի տարածքոեւմ երկու պետություն է ստեղծվել, որոնցից մեկին Ադրբեջանին միջազգային հանրությունը ամեն կերպ աջակցել է, իսկ մյուսին` ԼՂՀ-ին, ընդհակառակը, միշտ փորձել է խանգարել, խոչընդոտներ է սարքել: Այնուամենայնիվ, լրիվ ակնհայտ է` ով մեզնից ավելի հեռու գնացել ժողովրդավարության սեղծման ճանապարհին: ԼՂՀ-ում դրությունն այլ է եւ մենք մեծ շանսեր ունենք զարգացման դրական դինամիկայի տեսանկյունից»,- ընդգծել է Մելիքյանը: Միեւնույն ժամանակ, նա ասեց, որ պետք չէ նման նման եզրակացություններին դարակազմիկ նշանակություն տալ: «Իրականում, մեզնից բացի ոչ ոք չի կարող մեզ գնահատել, եթե, իհարկե, մենք ճիշտ ենք կառուցում մեր ներքին պետական հարաբերությունները»,- ասել է Արման Մելիքյանը, հայտնում է Դե-Ֆակտոն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԵԱՀԿ նախագահ․ Պատրաստ ենք աջակցել ՀՀ-ին՝ ԵԱՀԿ անվտանգային բոլոր երեք ուղղությամբ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Արսեն Թորոսյան․ Պետք է նաև մի 1700-ամյա առասպել էլ վերջնական և հիմնահատակ կոտրել «Միանգամից շատ ծանր բաժին է հասել մեր ժողովրդին»,–գրել է նա Բողոքի ակցիայի 151 մասնակից բերման է ենթարկվել Երևանում վաղ առավոտից անհնազանդության ակցիաներ են ընթնում, փողոցներ են փակվում Ֆրանսիան ողջունել է ՀՀ–ին և Ադրբեջանի ԱԳ նախարարների հանդիպումն Ալմաթիում Ֆրանսիան կոչ է արել շարունակել սահմանազատումն ու քննարկումները խաղաղության պայմանագրի շուրջ |