Ադրբեջանի տնտեսագետները մտահոգված են Եվրոպական խաղերից հետո երկրի ապագայով10 մարտի 2015 - 15:56 AMT PanARMENIAN.Net - Մեծ հավանականություն կա, որ Ադրբեջանի տնտեսությունը կարող է մեծ հարված ստանալ Եվրոպական խաղերից հետո, ինչպես ժամանակին խաթարվեց տնտեսական իրավիճակը Հունաստանում Օլիմպիական խաղերի ավարտին, գրում է Panorama.am-ը: Ապագայում Ադրբեջանում գնալով ավելի շատ կզգացվեն չարդարացված ծախսերը: Ըստ կանխատեսումների, Եվրոպական խաղերից սպասվող շահույթը չի գերազանցի 100 մլն դոլարը, ինչը ծախսածից շատ ավելի քիչ է, հայտարարել է տնտեսագետ, ադրբեջանական «Հանրապետական այլընտրանք» քաղաքացիական շարժման գործադիր քարտուղար Նատիգ Ջաֆարլին «Մինվալ.ազին»-ին տված հարցազրույցում: Ինչպես ասվում է նյութում, փորձագետն անդրադարձել է ադրբեջանական մանաթի կտրուկ անկմանը: Ըստ նրա, ազգային արժույթի այդքան կտրուկ անկման պատճառը նաև այն էր, որ Կենտրոնական բանկը վերջապես հասկացավ, որ մանաթի արհեստական փոխարժեքի պահպանումը թույլ չի տա մինչև տարեվերջ պահպանել երկրի արժութային պաշարները: ԿԲ երկրորդ քայլը իր մասնակցությունը երկրի արժույթի շուկայում նվազագույնի հասցնելն էր, այսինքն ԿԲ-ն մտադիր չէ առնվազն մինչև տարեվերջ զբաղվել բանկային արժութային գործարքների վերահսկողությամբ, որոնք նախկինում համաձայնեցվում էին այդ կառույցի հետ: Հիմա բանկերը ստիպված կլինեն միայնակ լուծել իրենց խնդիրները: Ըստ փորձագետի, այժմ ադրբեջանական բանկերը պարտքեր են կուտակել արտարժույթով, նախկինում Ադրբեջանի ԿԲ-ն վերահսկում էր, օգնում էր բանկերին, իսկ հիմա չի ցանկանում այլևս մասնակցել դրան: Նա կարծում է, որ այդ քայլը կհանգեցնի նրան, որ ադրբեջանական բանկերն արտարժույթի սուր կարիք կունենան արտերկրում վարկերի մարման համար: Եթե բանկերն ակտիվորեն սկսեն արտարժույթ գնել շուկայում, դա կհանգեցնի ադրբեջանական մանաթի հետագա արժեզրկման: Եթե մինչև տարեվերջ որոշում չկայացվի, ապա չվերադարձված վարկերի քանակն Ադրբեջանում կկազմի մոտ 2 մլրդ մանաթ: Բանկային հատվածը երկրում ուղղակի չի դիմանա: «Կենտրոնական բանկի գործողություններն անհնար է կանխագուշակել, տրամաբանությունն այստես բացակայում է: Հաշվի առնելով, որ մեր բանկերը հարևան երկրների բանկային համակարգերի համեմատ այնքան էլ ուժեղ չեն, Ադրբեջանում կարող է բանկային կոլապս տեղի ունենալ»,-վստահեցրել է տնտեսագետը՝ հավելելով, որ տնտեսության ադրբեջանական մոդելը շատ պարզունակ է, քանի որ երկրի կառավարությունը վերջին տարիներին նավթային բումի պայմաններում չկարողացավ դիվերսիֆիկացնել տնտեսությունը, ստեղծել երկրի արտահանման զարգացման կայուն մոդել: Ինչպես ասվում է նյութում, ըստ Ջաֆարլիի, հաշվի առնելով, որ Ադրբեջանից արտահանման 95 տոկոսը կազմում են նավթը, նավթամթերքն ու գազը, երկրի տնտեսությունը ունակ չէ պայքարելու աշխարհում ստեղծված իրավիճակի մարտահրավերներին: «Մեր հանդեպ ոչ ոք պատժամիջոցներ չի կիրառել, հարևան երկրների հետ առևտուր անելու հնարավորություն կա, սակայն, ցավոք, մենք նավթից բացի ուրիշ բան չունենք վաճառելու: Այս պրիմիտիվ տնտեսական մոդելի հետևանքով Ադրբեջանն ավելի խոցելի է դառնում ազգային արժույթի արժեզրկման պայմաններում»,-պնդում է տնտեսագետը: Ըստ Ջաֆարլիի, մեծ հավանականություն կա, որ նավթի գինը կնվազի մեկ բարելի դիմաց 50 դոլարից, սակայն ադրբեջանական տնտեսությանը կարող է օգնել միայն 100 դոլարը գերազանցող գինը մեկ բարելի համար, իսկ առաջիկա տարիներն դա չի լինի: Ինչպես ասվում է հոդվածում, փորձագետին երբեմն թվում է, որ Ադրբեջանի իշխանությունները չունեն տարրական հակաճգնաժամային, մտածված ծրագիր, որը կարող էին առաջարկել հանրությանն ու գործարարներին: Ըստ նրա, հիմա Ադրբեջանում նկատելի է գործարար կառույցների վարչական պատիժը, որոնք ուղղակի ստիպված են բարձրացնել ապրանքների գները մանաթի արժեզրկման պայմաններում: Ըստ տնտեսագետի, Ադրբեջանը կզիջի իր դիրքեը ռուսական շուկայում: «Դա կապված է ինչպես Ռուսաստանի անբարենպաստ իրավիճակի հետ, այնպես էլ ներքին՝ մաքսատան, գյուղատնտեսության վարկավորման, մթերքի պահպանման խնդիրների հետ»,-ասել է տնտեսագետը՝ հավելելով, որ Ռուսաստան Լատինական Ամերիկայից ներկրված ապրանքներն ավելի էժան են, քան Ադրբեջանից ստացվողները: Ադրբեջանցիները նույնիսկ գնի հարցում չեն կարող մրցակցել այն ապրանքների հետ, որոնք Ռուսաստան են ներկրվում արտերկրից: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |