Քենիա. Օբաման աջակցություն է խոստանում, ահաբեկիչները սպառնում են «արյան գետերով» 4 ապրիլի 2015 - 12:02 AMT PanARMENIAN.Net - ԱՄՆ նախագահ Բարաք Օբաման մտադիր չէ հրաժարվել հուլիսին Քենիա այցելելու մտադրությունից, որտեղ ծնվել է նրա հայրը: Վաշինգտոնն անհրաժեշտ աջակցություն կցուցաբերի Քենիային ահաբեկչության դեմ պայքարում: Նման խոստում կա ԱՄՆ նախագահի գրավոր հայտարարության մեջ, որը ապրիլի 3-ին տարածեց Սպիտակ տան մամուլի ծառայությունը մեկ օր առաջ Գարիսայի համալսարանի վրա «Աշ Շաբաբ» խմբավորման ահաբեկիչների հարձակման կապակցությամբ, հայտնում է ՌԲԿ-ն: Ապրիլի 2-ի առավոտյան զինյալները հարձակվեցին Գարիսա քաղաքի համալսարանի վրա Քենիայի հյուսիում, որի ուսանողների մեծ մասը կամ քնած էր, կամ ցնցուղ էր ընդունում: Հարձակման արդյունքում 147 մարդ զոհվեց: Սպանում էին բոլոր նրանց, որ չէր կարողանում մեջբերում անել Ղուրանից: Պատասխանատվությունն ահաբեկչության համար ստանձնեց սոմալացի իսլամիստների «Աշ Շաբաբ» խմբավորումը: «Մենք ձեռք ձեռքի կպայքարենք ահաբեկչության դեմ Քենիայի կառավարության և ժողովրդի հետ»,-ասել է ԱՄՆ նախագահը: Ընդ որում, նա չի հրաժարվել Քենիա այցելելու մտադրությունից: «Այս բարդ պահին Քենիայի ժողովուրդը պետք է իմանա, որ ԱՄՆ-ն իրենց հավատարիմ բարեկամն ու դաշնակիցն է»,-ասել է Օբաման: Ավելի վաղ Օբաման նաև հեռախոսազրույց է ունեցել Քենիայի նախագահ Ուհուրու Քենիաթայի հետ՝ ցավակցություն հայտնելով արյունալի ահաբեկչական գործողության կապակցությամբ: Մինչդեռ գրոհայինները սպառնում են Քենիային էլ ավելի արյունալի ահաբեկչություններով, հայտնում է Gazeta.ru-ն: «Զգուշության ու անվտանգության ոչ մի միջոց չի երաշխավորի ձեր անվտանգությունը, չի խափանի հարձակումն ու չի կանխի էլ ավելի արյունալի սպանդը ձեր քաղաքներում»,-ասվում է «Աշ Շաբաբի» հայտարարության մեջ, որը մեջբերել է Reuters-ը: Քենիացիներին ուղղված հայտարարության մեջ ահաբեկիչները երդվել են «երկարատև և արյունալի պատերազմ» մղել երկրում, որի արդյունքում Քենիայի քաղաքները կծածկվեն «արյան գետերով»: «Աշ Շաբաբ» կազմակերպությունը (Հարաքաթ աշ Շաբաբ ալ Մուջահիդին), որը թարգմանաբար նշանակում է «Մոջահեդների երիտասարդական կազմակերպություն», բաղկացած է սոմալացի իսլամիստներից: Հիմնվել է 2004 թ. Նպատական է՝ խաղաղություն և շարիաթ, բայց սկզբից ջիհադ «իսլամի թշնամիների» դեմ Սոմալիի տարածքում և նրա սահմաններից դուրս: Ըստ 2010 թ. տվյալների կազմակերպության 10 գրոհայիններից 8-ը անչափահաս են: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |