Ամենաէժան համակարգչի արտադրության համար 1 ամսում $2 մլն է հավաքվել 9 հունիսի 2015 - 14:41 AMT PanARMENIAN.Net - Next Thing Co սթարթափը, որը քրաուդֆանդինգի հիման վրա Kickstarter հարթակում միջոցներ է սկսել հավաքել աշխարհում ամենաէժան համակարգչի արտադրության համար, հայտարարել է ձեռնարկի հաջող ավարտի մասին: Ընդամենը մեկ ամսում` մայիսի 7-ից հունիսի 6-ը` CHIP համակարգիչը, որի արժեքն ընդամենը 9 դոլար է, ավելի քան 2 մլն դոլար է հավաքել, ինչը 40 անգամ ավելի է, քան նախանշված գումարը: Ընկերությունը պատվերներ է ստացել գրեթե 40 հազար օգտատերից աշխարհի տարբեր երկրներից: Առաքումները կսկսվեն 2016-ի մայիսից: CHIP-ի չափերն են 40-ը 60 մմ, այն ունի տարբեր արտաքին սարքերի, ինչպես նաև Bluetooth, Wi-Fi մոդուլների միացման հնարավորություն, ինչը թույլ է տալիս մյուս սարքերը միացնել առանց լարի: Սնուցումն իրականացվում է արտաքին մարտկոցի համար նախատեսված պորտի միջոցով: Փոքր սարքում տեղադրված է Linux-ի հիման վրա օպերացիոն համակարգը և աշխատանքների ծրագրերի հավաքածու` LibreOffice և GIMP և խաղեր: . Համակարգիչն աշխատում է 1 ԳՀց, 512 ՄԲ DDR3 SDRAM հաճախականությամբ և 4 ԳԲ ներկառուցված հիշողությամբ: Բացի այդ, CHIP-ի համար կա 4,3 դյույմ էկրանով տեղափոխվող մոդուլ: CHIP հիման վրա կարելի է ճկուն համակարգեր կառուցել կոնկրետ խնդիրների համար` օրինակ, մինչև հաջորդ ավտոբուսը ժամանակի հաշվարկ տանող ժամացույցը, կամ օդի որակի վերլուծության ցանցը տարերային աղետների կանխատեսման համար: 9 դոլարով կարելի է միայն համակարգիչ գնել առանց լրացուցիչ սարքավորումների: Մարտկոցով կամ VGA-ադապտորով CHIP-ը կարժենա 19 դոլար, HDMI- ադապտորով` 24 դոլար, պորտատիվ սարքով` 49 դոլար: Քրաուդֆանդինգը մարդկանց (դոնորների) հավաքական համագործակցություն է, երբ մարդիկ կամավոր միավորում են իրենց դրամական միջոցները կամ այլ ռեսուրսներ, որպես կանոն, համացանցի միջոցով, սատարելու համար այլ մարդկանց ջանքերին կամ կազմակերպություններին (շահառուներին): Դրամահավաքը կարող է տարբեր նպատակների համար լինել, այդ թվում` սթարթափ ընկերությունների ֆինանսավորման, ազատ ծրագրային ապահովման ստեղծման և այլն: Kickstarters –ը կայք է քրաուդֆանդինգի մեխանիզմով ստեղծագործական, գիտական կամ արտադրական նախագծերի իրականացման նպատակով դրամական միջոցների հավաքագրման համար: Կայքը ֆինանսավորում է տարբեր նախագծեր, այդ թվում անկախ կինեմատոգրաֆի ֆիլմերն ԱՄՆ-ում, կոմիքսների, տեսախաղերի ստեղծում և այլն: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազան․ Իշխան Զաքարյանը չի մերժել միանալ գործընթացին Սրբազանը հավելել է, որ առաջին անգամ կարող ենք ասել, որ ընդդիմադիր խմբակցությունները հաղթահարել են առաջին փուլը Հայաստան կժամանի ԵԱՀԿ գործող նախագահը Այցն աշխատանքային է Երևանում քաղաքացիները փողոցներ են փակում․ Ավելի քան 80 բերման ենթարկված կա Որոշ ժամանակ փակ էր Մյասնիկյան պողոտան, քաղաքացիները փակել են Բաղրամյան պողոտան «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել |