ԶԼՄ-ներ. Աթենքի հետ չպայմանավորվելու դեպքում, եվրոյի գոտու երկրները արտահերթ գագաթնաժողով կհրավիրեն16 հունիսի 2015 - 13:24 AMT PanARMENIAN.Net - Եվրոյի գոտու անդամ երկրները համաձայնեցրել են շտապ միջոցների ծրագիրը Հունաստանի հետ բանակցությունների ձախողման դեպքում: Այդ մասին հայտնել է Süddeutsche Zeitung թերթը Բեռլինում և Բրյուսելում աղբյուրների վրա հղումով: «Վարկատուները մտադիր են Հունաստանին ևս մեկ հնարավորություն տալ և սպասել Եվրախմբի հանդիպումների արդյունքներին, որը կայանալու է հունիսի 18-ին»,-ասել է թերթը: Ըստ նրա, եթե այնտեղ էլ չհաջողվի պայմանավորվել Աթենքի հետ օգնության ընթացիկ ծրագրի հիմնական կետերի շուրջ, «Բրյուսելում անհապաղ եվրոյի գոտու եկրների նախագահների և կառավարության ղեկավարների արտահերթ գագաթնաժողով կհրավիրվրի»: «Հավաքի ժամանակ փորձ կարվի գտնել խնդրի քաղաքական լուծումը»,-գրել է թերթը: Ինչպես ասվում է, «որպես գագաթնաժողովի անցկացման ժամկետ քննարկվում է հունիսի 19-ի երեկոն», գրում է ՏԱՍՍ գործակալությունը: Բացի այդ, արտահերթ միջոցների ծրագրով նախատեսվում է վերահսկողություն սահմանել կապիտալի շարժի հանդեպ` որոշ ժամանակով փակել հունական բանկերը, սահմանափակել գումարի կանխիկացումը բանկոմատներով, հրաժարվել էլեկտրոնային փոխանցումներից երկրի ներսում: Հունիսի 13-ին և 14-ին Բրյուսելում տեխնիկական մակարդակով միջազգային վարկատուների հետ ընթացող բանակցություններն անարդյունք ավարտվեցին: Ինչպես ասացին Եվրահանձնաժողովում, «բանակցությունների ընթացքում որոշակի առաջընթաց գրանցվեց, սակայն դրանք հաջող չէին, քանի որ էական խզումը Հունաստանի կառավարության առաջարկությունների և Եվրահանձնաժողովի, ԵԿԲ և ԱՄՀ տարեկան մոտ 2 մլրդ եվրոյի բյուջետային տնտեսման վերաբերյալ ընդհանուր պահանջների միջև պահպանվում է: Դա կազմում է ՀՆԱ-ի 0,5-1 տոկոսը: «Հունաստանի առաջարկները թերի են: Ուստի հետագա բանավեճը պետք է շարունակվի արդեն Եվրախմբի շրջանակում»,-ասվում է ԵՀ հաղորդագրության մեջ: 2010 թ. ի վեր, երբ ճգնաժամ արձանագրվեց Հունաստանի պետպարտքի հարցում, ԵՄ-ն ու ԱՄՀ-ն այդ երկրին գրեթե 250 մլրդ եվրո հատկացրեցին, և Աթենքը աստիճանաբար պետք է վերադարձնի գումարը: Չնայած, որ 2012-ին պարտքը մասնակիորեն չեղյալ համարվեց, այդ երկրի պետպարտքը ներկա պահին գերազանցում է 315 մլրդ եվրոն, ինչը կազմում է ՀՆԱ 175 տոկոսը: Դա 3 անգամ գերազանցում է եվրոյի երկրների համար սահմանված պետպարտքի թույլատրելի շեմը, որն, ըստ Կայունության և աճի պակտի կազմում է ՀՆԱ 60 տոկոսը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի Սանահին կայարանի հետ հետիոտնային կապը վերականգնվել է Վերակառուցվել է հետիոտնային կամուրջը Cerebrum Intellectus․ Fastex-ը Web3 ինտերակտիվ քննարկումներ է կազմակերպել երեխաների համար «Երազ» այգում տեղի է ունեցել Kids Fest-ը Շրջիկ երաժիշտների գործունեությունը Երևանի փոքր կենտրոնում կարգելվի Երաժիշտներն իրազեկվել են սպասվող փոփոխությունների մասին |