Ժ. Շիրակը բոլոր ֆրանսիացիների անունից շնորհակալություն է հայտնել Երեւանում Ֆրանսիայի հրապարակի բացման համար30 սեպտեմբերի 2006 - 15:41 AMT PanARMENIAN.Net - «Խորին հուզմունքով է, որ ծանոթանում եմ Հայկական հողին»,- հայտարարել է Ֆրանսիայի նախագահ Ժակ Շիրակը Երեւանում Ֆրանսիայի հրապարակի բացման արարողության ժամանակ: «Ես հուզմունք եմ զգում, քանի որ սա Ֆրանսիական պետության առաջնորդի առաջին այցելությունն է աշխարհի Ծննդոց վկայող տեղերին, որոնց պահպանող Արարատ լեռը, ասում են, իջեւան դարձավ Նոյի Տապանի համար, Ջրհեղեղի վերջում: Հուզվում եմ, երբ մտածում եմ այն կապերի հնության մասին, որ մեզ միացնում են այն վաղ ժամանակներից, երբ Երուսաղեմցի թագավորը` Բուլոնիայի Բուդուեն, ամուսնացավ հայ իշխանուհի Արդայի հետ, երբ 14-րդ դարում Կալեում մահացավ Լեւոն 6-րդ Լուսինյանը` Հայաստանի վերջին թագավորը, որի շիրիմը գտնվում է Սեն-Դենի բազիլիկայում` Ֆրանսիայի թագավորների կողքին: Հուզմունք եւ հարգանք եմ տածում հայ ժողովրդի հերոսական եւ տառապալից պատմության նկատմամբ: Ժողովուրդ, որի ճակատագիրը մնում է մինչ հավիտյանս դրոշմված ցեղասպանությամբ. այն ցեղասպանությամբ, որի զոհը եղավ նա Առաջին համաշխարհային պատերազմի եւ կայսրությունների վախճանման ցնցումների պայմաններում: Հւոզվում եմ, երբ մտածում եմ այս ողբերգությունը վերապրածների մասին, որոնք ստիպված եղան վերցնելու աքսորի ճանապարհները: Երբ մտածում եմ այն բոլորի մասին, որոնք վստահությամբ դարձան դեպի Ֆրանսիան, ինչպես դառնում են դեպի քրոջը, վստահ լինելով նրա մոտ գտնելու ապաստան եւ մխիթարություն: Հուզվում եմ, հիշելով բոլոր նրանց, որոնք դիմադրեցին նացիստական բարբարոսությանը, ինչպես Միսակ Մանուշյանը եւ իր ընկերները:Այսօր մոտ կես միլոն հայեր իրենց արմատներով ծագում են հայ հողից: Նրանք Ֆրանսիային բերել են իրենց խիզախությունը, իրենց տաղանդը, իրենց վեհանձնությունը: Նրանք նաեւ մնացել են կապված Հայաստանին: Պատվելու համար այս կապը, դուք ցանկացած, որպեսզի այս հրապարակը, ձեր մայրաքաղաքի սրտում, կրի Ֆրանսիայի անունը: Բոլոր ֆրանսուհիների եւ ֆրանսիացիների անունից, ես ձեզ շնորհակալություն եմ հայտնում: Այս երեկո, երբ սկսվեն Հայաստանում Ֆրանսիական Օրերը եւ Ֆրանսիայում Հայաստանի Տարին, իմացեք, որ մինչեւ հոգու խորքը զգացված ենք այս պատվասիրության համար: Ֆրանսիայի հրապարակը կլինի մեր բարեկամության խորհրդանիշը, ինչպես կլինեն նաեւ 400 հայկական միջոցառումները, որոնք տեղի կունենան Ֆրանսիայի ամբողջ տարածքում մինչեւ հաջորդ հուլիսի 14-ը: Ձեր հայրենական ժառանգության գանձերը կցուցադրվեն Ֆրանսիայի մշակութային ամենահեղինակավոր կենտրոններում: Նրանք կհիշեցնեն ֆրանսիացիներին հայկական մշակույթի զորությունը, նրա օժանդակությունը մեր քաղաքակրթությանը եւ նրա համաշխարհային տարածումը»: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |