Ներգաղթյալներից մինչև մալարիա. Նյու Յորքում բացվում է ՄԱԿ ԳՎ 70-րդ նստաշրջանը15 սեպտեմբերի 2015 - 11:53 AMT PanARMENIAN.Net - ՄԱԿ կենտրոնակայանում սեպտեմբերի 15-ին բացվում է համաշխարհային կազմակերպության Գլխավոր վեհաժողովի 70-րդ նստաշրջանը: ԳՎ նիստերում առաջիկա տարվա ընթացքում կքննարկվի մոտ 170 հարց: Հոբելյանական նստաշրջանը կբացի մեկ տարի առաջ ընտրված ԳՎ նախագահ, Դանիայի ներկայացուցիչ Մոգենս Լյուկետոֆտը: Դրանից հետ, ըստ ավանդության, լռության րոպե կհայտարարվի, կհամաձայնեցվեն աշխատանքի կազմակերպման հարցերն ու կհաստատվի օրակարգը: ԳՎ առաջիկա նստաշրջանում քննարկվելիք հարցերը բաժանված են մի քանի թեմատիկ բլոկերի: Քննարկվելու է միջազգային ֆինանսական համակարգի և առևտրի զարգացումը, մշակութային արժեքները դրանց ծագման երկրներ վերադարձնելու, մալարիայի հիվանդացության կրճատման հարցերը զարգացող երկրներում, ինչպես նաև աղքատության կրճատման, կանանց վիճակի բարելավման և այլ հարցեր, հայտնում է ՌԻԱ Նովոստին: Միջազգային խաղաղության և անվտանգության բլոկում կքննարկվեն իրավիճակը Մերձավոր Արևելքում, Պաղեստինի հարցը, Իսրայելի գործողությունները պաղեստինցիների հանդեպ, իրավիճակն Աֆղանստանում, Կիպրոսում, զինված ագրեսիան Կոնգոյի Հանրապետությունում, փախստականների և այլ հարցեր: Քննարկման առանձին առարկա կդառնան զինաթափման հետ կապված հարցերը, սպառազինության մրցավազքի կանխումը տիեզերքում, Աֆրիկայում միջուկային զենքից զերծ գոտու մասին պայմանագիրը և նմանատիպ գոտու ստեղծման հեռանկարը Մերձավոր Արևելքում: Ռուսաստանի, Բելառուսի, Ղազախստանի, Հայաստանի և Ղրղզստանի նախաձեռնությամբ օրակարգում ընդգրկվել է նաև ՄԱԿ ԳՎ-ում Եվրասիական տնտեսական միությանը դիտորդի կարգավիճակ շնորհելու հարցը: Եվրոպայում փախստականների ճգնաժամի կապակցությամբ ՄԱԿ գլխավոր քարտուղար Պան Գի Մունը հատուկ նիստ կգումարի ԳՎ-ում սեպտեմբերի 30-ին: ԳՎ աշխատանքի ընթացքում օրակարգում կարող է ընդգրկվել նաև Ուկրաինայում «Մալազիական ավիաուղիների» ինքնաթիռի կործանման համար մեղավորներին պատասխանատվության ենթարկելու նպատակով միջազգային տրիբունալի ստեղծման հարցը: Ավանդաբար ԳՎ գլխավոր իրադարձություններից կլինի բարձր մակարդակի նստաշրջանը, որը կանցնի սեպտեմբերի 28-ից հոկտեմբերի 3-ը: Ավելի վաղ ՄԱԿ-ը հրապարակել էր համաընդհանուր քաղաքական բանավեճի մասնակիցների նախնական ցուցակը: Ըստ փաստաթղթի, մոտ 90 երկիր ներկայացված կլինի պետության ղեկավարի մակարդակով, այդ թվում ՌԴ-ն, ԱՄՆ-ն, Չինաստանը, Բրազիլիան, Ուկրաինան, Իրանը և այլ երկրներ: Հատկապես մեծ է ԶԼՄ-ների ուշադրությունը ԳՎ շրջանակում ՌԴ նախագահ Վլադիմիր Պուտինի և ԱՄՆ նախագահ Բարաք Օբամայի հնարավոր հանդիպման հանդեպ: Ըստ ՌԴ նախագահի մամուլի քարտուղար Դմիտի Պեսկովի, ՌԴ և ԱՄՆ նախագահների հանդիպում նախատեսվծա չէ, Վաշինգտոնը նման նախաձեռնությամբ հանդես չի եկել: Սակայան, «կողմերը հստակեցնում են, թե որքանով են համընկնում աշխատանքային ժամանակացույցերը, և եթե նախաձեռնություն լինի, այն ժամանակ կոնկրետ քայլեր կձեռնարկվեն»: Կքննարկվի նաև իսրայելա-պաղեստինյան հակամարտությունը: Այս տարի պետությունների ղեկավարները ՄԱԿ կենտրոնակայան կժամանեն նախապես: Սեպտեմբերի 25-27-ը ԳՎ շրջանակում տեղի կունենա Գլոբալ զարգացման գագաթնաժողովը: Հաջորդ 15 տարվա համար նախատեսված ծրագրի վրա աշխատանքն ընթացել է գրեթե 3 տարի: Սեպտեմբերի 25-ին ՄԱԿ ԳՎ-ում ելույթ կունենա Հռոմի պապը: Նա նաև կհանդիպի ՄԱԿ գլխավոր քարտուղարի հետ: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Ադրբեջանագետ․ Ադրբեջանը և Թուրքիան շարժվելու են Սյունիքով արտատարածքային միջանցք պոկելու տրամաբանությամբ Նա նշել է, որ ՀՀ իշխանական խոսնակներն էլ սկսել են հեքիաթներ պատմել, որ ՀՀ-ի և Ադրբեջանի վարձած ընկերությունը անվտանգային ուղեկցում կանի Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |